PAMMUJI 58:4 - KITTA' MATANGKASA'

⁴ Tau ja'dalaka lingu memammi baku' lalanna ri battang annipu memammi ke'nanga baku' nilassukanna.

PAMMUJI 58:4 ပူးပေါင်းရင်းမြစ်များ

PA'JARIANG 3:2

Appialimi anjo bainea angkana, “Akkullei nakanre ikambe sikamma rappo-rappo niaka ilalang ri anne kokoa,

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

AYUB 20:14

Mingka anjo kanrea tappinrai lalang ri battang, a'jari racung pai' angngerang kamateang.

AYUB 20:16

Tau ja'dalaka langnginungi racung paerang bala, lamatei lanrinna, sanrapang tunikokko' ri ulara' a'racung.

PAMMUJI 140:3

Narancanakangi ke'nanga kaja'dallanga lalang ri pa'mai'na, siagang allo-allona appa'nia' pa'beserang.

PAMMUJI 51:7

Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

KATO'BA 10:11

Punna angngokko' riolo ularaka ri tenanapa nipannabai ri tau cara'deka, anjo sanrona tenamo matu-matunna.

YESAYA 11:8

Ba'lalo ana' loloa talangngapayai punna akkarena ri ampi'na ulara' a'racunga.

YEREMIA 8:17

Nakana Batara, “Parhatikangi! Kamma-kamma anne appabattuA' ulara'-ulara' antama' ri tangnga-tangnganu untu' ampittokko, iamintu ulara' a'racunga tenaya nakkulle nipitabai baca-baca.”

MATIUS 23:33

E, ikau ngaseng tau ja'dalaka siagang sossorang tau ja'dalaka! Antekamma lakkulle nuliliang hukkunganga ri naraka?

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

ROMA 3:13

Sangkamma mami jera' tassungke karro'-karro'na ke'nanga. Sangnging balle-balle mami napau lilana, siagang sangnging pitina mami ri bawana, sanrapang lila ulara' niaka racunna.

PAOLE 32:33

Je'ne' anggoro'na ke'nanga iami racunna ularaka.

YAKOBUS 3:8

Mingka tena manna sitau akkulle ampannabai lilaya. Anjo lilaya teai sipato' ja'dala'na, siagang takkulleai nilewai; rassi racung akkullea ammuno.