PAMMUJI 56:6 - KITTA' MATANGKASA'

⁶ Sila'busu' alloi musua angkacoi parkaraku tulusu' usahana ke'nanga ero' ancilakaia'.

PAMMUJI 56:6 ပူးပေါင်းရင်းမြစ်များ

AYUB 14:16

Nampa laKijannangngi sikontu dakka-dakkaku, mingka tenamo Kiparhatikangi dosaku.

AYUB 16:10

Tassungke lompoi bawana taua ancau-caua'; naborongia' siagang natempa ka'rang pilisikku.

AYUB 31:4

Mattantu Naassengi Allata'ala sikontu panggaukangku; Nacini' ngasengi sikamma dakkaku.

PAMMUJI 140:2

Kilappassanga' battu ri tau ja'dalaka, o, Batara, Kijagaia' battu ri tau anggaukangai katerassanga.

PAMMUJI 37:32

Tu bajika niodoki ri tu ja'dalaka a'boyai kasampatang untu' ambunoi.

PAMMUJI 57:6

O, Allata'ala, Kipappicinikangi kalompoanTa ri langi', siagang kala'biranTa ri sikontu linoa.

PAMMUJI 59:3

Kilappassanga' battu ri tau a'gau' ja'dalaka, pakabella' battu ri tau pabunoa.

PAMMUJI 71:10

saba' napa'jari carita' musu-musungku, assikongkoloki tau eroka ambunoa'.

PAMMUJI 89:51

Kiu'rangi o, Batara, antekamma batena nicalla anne atanTa, kukasiaki nihinaya ri jai bansa.

PANGNGEBARANG 24:15

Teako sangkammai tau ja'dalaka, assikongkoloki untu' angngellaki tau lambusuka siagang anrampasaki balla'na.

YESAYA 54:15

Punna nibundukiko, teai iNakke ampassuroangi, manna inai ambundukiko latu'guru' ngasengi.

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

DANIEL 6:4

Kabateammi linta' angkanaya jama-jamanna Daniel la'bi bajikangngangi najama-jamanna sikamma guburnurka siagang pangawasa' maraengannaya. Lanri kammana anjo, ero'mi karaenga angngangkaki a'jari pamarenta mae ri sikontu kakaraenganga.

MATIUS 26:57

Le'baki najakkala' Isa, a'lampami ke'nanga angngerangi Isa mange ri balla'na Kayafas, Imang Lompoa. A'rappungang ngasemmi anjoreng sikamma guru-guru agamaya siagang sikamma pinggawana tu Yahudia.

MATIUS 27:1

Ri bari'basa' dudua, natappukimi sikontu kapala imanga kammayatompa pamimping-pamimpinna tu Yahudia, angkanaya lanabunoi Isa.

LUKAS 20:20

Jari a'boyami ke'nanga kasampatang baji'. Nia'mo se're tau nagaji ke'nanga sollanna assara-sarai a'jari tau lambusu' pa'mai', nampa nasuro anjo taua mange akkuta'nang siagang ampa'boyangi kasalang Isa. Napa'boyangi kasalang Isa, sollanna akkulle ke'nanga a'jamma' mae ri kakoasanna guburnurka, nanijakkala' Isa.