PAMMUJI 55:7 - KITTA' MATANGKASA'

⁷ Uh, ebara' angkana akka'nyika' sangkamma jangang-jangang bodobangkeng, lanri'baka' mange a'boya tampa' sannang.

PAMMUJI 55:7 ပူးပေါင်းရင်းမြစ်များ

2 SAMUEL 15:14

Nampa nakanamo Daud mae ri sikontu pagawena niaka ri Yerusalem, “Umba naniallei kalenta. Tena ruanna anne cara sollanta ta'lappasa' battu ri Absalom. Tenamo nasallo nabattu. Akkaro-karoko, gassingka akkulleki' niondang siagang nibeta, sa'genna nibuno kabusu' pandudu'na kotaya.”

YEREMIA 37:12

Jari inakke kubokoimi Yerusalem nampa a'lampa mange ri daerana Benyamin untu' antarimai bageang warisikku battu butta pisaka kaluargaku.

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

YEREMIA 9:2

Ka'de' kukkulle anggappa ri parang luara' pa'bangngiang untu' tau lalang pa'jappang! Lakubokoi bansaku, kulari mange anjoreng untu' ampakabellai kalengku battu ri ke'nanga. Tau pabali' ballang ngasengi ke'nanga, passe'reang tau tenaya namajarre' pa'mai'na,

1 SAMUEL 27:1

Appikkiri'mi lalang ri atinna Daud angkana, “Manna pole antekamma, ri se'reang allo lanabuno tonja' Saul. Jari tena oloang maraeng ri nakke, pantaranganna laria mange ri pa'rasangang Filistin. Lanri kammana anjo talanaboyaiyama' Saul ri Israel, siagang laamang tommi kusa'ring.”