PAMMUJI 55:4 - KITTA' MATANGKASA'

⁴ Lussaki pa'maikku lanri pa'garatta'na musua siagang panjallakkanna tau ja'dalaka. Saba' nasusai ke'nanga tallasakku, siagang larroi ke'nanga ammusua'.

PAMMUJI 55:4 ပူးပေါင်းရင်းမြစ်များ

2 SAMUEL 16:7

Nitunrami ri Simei angkana, “A'lampako! A'lampako! Pabuno tau! Tau ja'dala'!

PAMMUJI 116:3

Lanatujua' bahaya kamateang; bala lompona kamateanga nabakkaia', kunapa'jari lussa' siagang malla'.

PAMMUJI 42:10

Kukana ri Allata'ala, mappatojengku, “Angngapa naKikaluppaia? Angngapa kumusti tulusu' pa'risi', lanri nijallakkang ri musu-musungku?”

PAMMUJI 6:3

Kikamaseanga', o Batara, lanri tenamo kagassingangku, Kipakajarreka' lanri dodongku.

PAMMUJI 69:20

Kiassengi antekamma bateku nicalla, nihina siagang nipakkanai, Kicini' ngasengi sikontu musungku.

PAMMUJI 88:3

Poro ta'rapi' lalo pappala' doangku mae ri Katte, Kipilangngeri laloi pakkiokku.

YOHANES 12:27

“Lussa'minne atingKu: apa musti laKupau kamma-kamma anne? Mustika laKukana, ‘Bapa', paliliA' ri kamma-kammaya anne’? Mingka untu' iaminne passessaya naKunia' battu.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.