PAMMUJI 54:7 - KITTA' MATANGKASA'

⁷ LaNahukkungi musungku siagang kaja'dallang kalenna ke'nanga, laNapossoki ke'nanga lanri tamamminrayai mae ri nakke.

PAMMUJI 54:7 ပူးပေါင်းရင်းမြစ်များ

PA'JARIANG 48:16

Iami malaeka' allappassanga' battu sikontu bahayaya. Poro Iaminjo Allata'ala ambarakkaki anne ana'-anaka. Poro attallasaki satunggu-tungguna arengku, arenna Abraham siagang arenna Ishak lanri anne ana'-anaka! Poro ammana'-accucui ke'nanga, namajai turunganna ke'nanga ri lino.”

2 SAMUEL 4:9

Mingka appialimi Daud angkana, “Batara mattallasaka, le'baka ampasalamaka' battu ri sikontu balaya, Naassengi angkanaya annabai anne lakukananga.

PAMMUJI 112:8

Tena nalussa' yareka malla', lanri tappaki angkana lanibetai musunna.

PAMMUJI 118:7

Narurunganga' Batara untu' antulunga', lakuciniki musungku nibeta.

PAMMUJI 143:12

Lanri pangngamaseanTa Kitumpasaki sikontu musungku, kiancuruki sikontu tau anjallakkangia', saba' inakke atanTa'.

PAMMUJI 34:19

Ma'reppeseki Batara mae ri tu ca'dia pa'mai'na; Napasalamaki tu tappu' minasaya.

PAMMUJI 34:6

Tu nijallakkanga manrannuangi ri Ia nampa a'jari rannumo, tenamo saba'na lasiri'-siri' ke'nanga.

PAMMUJI 37:34

Manrannuangko ri Batara siagang turuki parentaNa, na Naangkakko untu' a'jari warisi' ri anjo buttaya; lanuciniki nipa'lanynya' tu ja'dalaka.

PAMMUJI 59:10

IKattemi kagassingangku, manrannuanga' mae ri Katte, iKatte tampa' palariangku, o, Allata'ala.

PAMMUJI 91:8

Punna accinikko mae ri tammulilinu, nuciniki tau ja'dalaka anggappa pa'balasa'.

PAMMUJI 92:11

Kipa'jari kassaka' sanrapang tedong romang liaraka, na Kibarakkakia' siagang kate'neang.

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

1 SAMUEL 26:24

Jari, sangkamma batena atanta, anne alloa narellakammi karaengku attallasa', kamma tomminjo tapporo nikatutui anne atanta ri Batara siagang nilappassang battu ri sikontu bahayaya!”