PAMMUJI 53:3 - KITTA' MATANGKASA'

³ Battu ri suruga Naciniki Batara umma' rupataua, untu' amboyai tau annabaya siagang anynyombaya ri Ia.

PAMMUJI 53:3 ပူးပေါင်းရင်းမြစ်များ

2 SAMUEL 20:2

Nampa a'lampamo anjo tu Israelka ambokoi Daud namminawang ri Seba. Mingka tu Yehuda tulusu' amminawangi ri Daud battu ri Binanga Yordan sa'genna ri Yerusalem.

AYUB 15:16

Sarroangampa rupatau panraka siagang ra'masaka, angnginunga kaja'dallang sanrapang angnginung je'ne'.

PAMMUJI 14:3

Mingka sikontu taua sala gau' ngasemmi siagang panra'mi, manna sitau tania' a'gau' baji'.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

ROMA 3:12

Napakabella ngasemmi kalenna taua battu ri Allata'ala; sala oloang ngasemmi taua. Tena manna sitau a'gau' baji'; manna sitau tena todong!

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

1 YOHANES 2:29

Nuassemmi angkanaya mappilangngeri Almasi mae ri ero'Na Allata'ala lalang ri katallassanNa. Lanri kammana, musti nuasseng tongi angkanaya inai-nai mappilangngeri mae ri ero'Na Allata'ala lalang ri katallassanna, iami ana'Na Allata'ala.

3 YOHANES 1:11

Sari'battangku, sannaka kukarimangnginna; teako turuki apa-apa kodia. Iamo apa-apa bajika nuturuki. Inai-nai a'gau' baji', iami anjo taua tau battu ri Allata'ala. Na inai-nai a'gau' ja'dala', ma'nassa tenapa nale'ba' sibuntulu' siagang Allata'ala.

PAPPICINI' 22:11

Ia tau ja'dalaka, lappassammi a'gau' ja'dala' turus; ia tau ra'masaka lappassammi tuli nara'massi kalenna; ia mannurukia ri ero'Na Allata'ala lappassammi tuli mannuruki ri ero'Na Allata'ala, siagang ia napassareangamo katallassanna untu' Allata'ala bawang, lappassammi attallasa' turus untu' Allata'ala bawang.”