PAMMUJI 51:7 - KITTA' MATANGKASA'

⁷ Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

PAMMUJI 51:7 ပူးပေါင်းရင်းမြစ်များ

AYUB 14:4

Maka akkullei tau dorakaya appa'nia' apa sukku' baji'na?

PAMMUJI 58:4

Tau ja'dalaka lingu memammi baku' lalanna ri battang annipu memammi ke'nanga baku' nilassukanna.

KALAPPASSANG 12:22

Angngalle mako sisikko' leko'-leko' nampa nutallangngang naung ri katoang nipammoneia anjo cera'na gimbalaka, nampa nupasapu mae ri ruaya benteng pakke'bu'nu siagang irateanganna pakke'bu' balla'nu. Sa'genna bari'basa' tena manna sitau akkulle ambokoi balla'na.

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

YOHANES 13:9

Nakanamo Simon Petrus, “Punna kamma padeng Batara, teaKi' bangkengku bawang Kibissai, mingka limangku siagang ulungku pole Kibissaiang tonga'!”

IBRANI 9:19

Uru-urua napabattui Musa sikontu anjo hukkung Napassuroanga Allata'ala mae ri bansa Israelka. Le'baki anjo, angngallemi Musa cera' sapi rungka siagang cera' bembe laki. Nampa nacampuru' siagang je'ne', nampa napaba'basa' mange ri Kitta' Hukkung-hukkung battua ri Allata'ala siagang mange ri sikontu bansa Israelka. Ruku'-ruku' siagang bulu gimbala' eja toaya tanja'na napaba'basa'.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.