PAMMUJI 51:11 - KITTA' MATANGKASA'

¹¹ Kialleimi rupanTa battu ri dosa-dosaku, siagang lu'lu'mi sikontu kasalangku.

PAMMUJI 51:11 ပူးပေါင်းရင်းမြစ်များ

PA'JARIANG 4:14

Kibongkama' battu ri anne buttaya, bella battu ri dallekang mala'biritTa. La'lampama' mange-mange na tena pammantangangku ri lino, siagang lanibunoa' ri tau ambuntulukia' sallang.”

PA'JARIANG 6:3

Nakanamo Batara, “Tena naKupa'biangi rupataua attallasa' satunggu-tungguna; musti matei ke'nanga. Appakkaramula ri kamma-kammaya anne tenamo nakkulle la'bi ri 120 taung umuru'na.”

2 SAMUEL 7:15

Mingka tuli laKugaukangi apa bajika mae ri ia situru' janjingKu. Tuli laKuta'gala' jarreki janjingKu mae ri ia, tena nasangkamma apa le'baka Kugaukang mae ri Saul Kupalessoka battu ri empoanna sollannu akkulle a'jari karaeng.

2 KARAENG-KARAENG 13:23

Mingka Nakamaseangi Batara umma'Na siagang Napammopporangi ke'nanga. Tena Nabalang parekangi ke'nanga niancuru' passangalinna Natulungi ke'nanga, lanri parjanjianNa siagang Abraham, Ishak siagang Yakub. Sa'genna kamma-kamma anne tale'bakai Nakaluppai umma'Na.

2 KARAENG-KARAENG 23:27

Nakana Batara, “Apa le'baka Kugaukang mae ri tu Israel, laKugaukang tongi mae ri tu Yehuda. LaKupelaki tu Yehuda battu ri pa'rasangang le'baka Kupassareang mae ri ke'nanga. LaKutollaki Yerusalem, iamintu kotaKu le'baka Kupilei, kammayatompa anne BallakKu, le'baka Kupau angkanaya la'jari tampa' panynyombangi mae ri KalengKu.”

2 KARAENG-KARAENG 24:20

Teai sipato' larroNa Batara mae ri pandudu'na Yerusalem siagang ri tu Yehuda, sa'genna tenamo Naparhatikangi ke'nanga.

PAMMUJI 43:2

IKattemi Allata'ala, pa'la'langangku; angngapa Kibokoia? Angngapa kumusti tulusu' pa'risi' lanri nijallakkang ri musu-musungku?

PAMMUJI 71:18

O, Allata'ala, tea' laloKi' bokoia', sa'gengku toa siagang kebo' uukku, sollanna kukabarrang koasaTa siagang kaporeanTa mae ri sikontu turungang labattua.

PAMMUJI 71:9

TeaKi' pelakkia' ri wattu toakumo teaKi' bokoia' punna tenamo kagassingangku,

YEREMIA 7:15

LaKubongkako battu ri dallekangKu sangkamma le'ba'na Kubongka bija-bijannu, umma' Israel.”

LUKAS 11:13

Manna pole ja'dala' ngasengko, mingka angngasseng tonjako assare apa-apa baji' mae ri ana'nu. La'biangampa Manggea ri suruga! LaNapassareangi RohNa mae ri tau appalaka ri Ia!”

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

ROMA 1:4

mingka lalang kakaraenganna, ma'nassa Iami Ana'Na Allata'ala. A'buttimi anjo lalang ri koasa malompoNa, iamintu lalang ri attallasa'Na ammotere' battu ri kamateanga.

ROMA 8:9

Mingka ikau ngaseng teako mannuruki ri sipa'-sipa' rupataua lalang tallasa'nu. Punna mattantu RohNa Allata'ala angngatoroki kalennu, mattantu lamannurukiko ri RohNa Allata'ala lalang tallasa'nu. Inai-nai tena ri kalenna RohNa Almasi, anjo taua teai taunNa Almasi.

EFESUS 4:30

Teako pa'jari si'nai atinNa RohNa Allata'ala. Le'ba' mako nisare pammatei mattantu ri RohNa Allata'ala, ma'nassanu a'jarimo taunNa Allata'ala. Ia tommi anjo RohNa Allata'ala a'jari pammatei janji majarre' angkanaya labattui mae ri kau Allo Kalappassanga.

2 TESALONIKA 1:9

Anjo tau kammaya langgappai hukkungang kapanrakang sa'genna satunggu-tungguna; nipelaki assulukang battu ri pammantanganNa Batara, battu ri kalompoanNa siagang kakoasanNa,

HAKING-HAKING 13:25

Ri wattunna nia' ri tampa' kemana suku Dan, attampaka ri alla'na Zora siagang Esytaol, appakkaramulami nisare kagassingang ri RohNa Batara.

HAKING-HAKING 15:14

Ri wattunna battu mae ri Lehi nierang Simson massing lari-larimi battu tu Filistin mange anggora-gorai. Ti'ring a'jari kassa'mi Simson lanri kakoasanNa Batara. Natappu'-tappu'mi anjo otere' passikko' limanna, sangkamma le'ba' angkana otere' ammutung anjo otereka garana.

HAKING-HAKING 16:20

Nampa ammarrang angkana, “Simson! Niaki battu tu Filistin!” Ambangummi Simson nanapikkiri' kapang angkana akkullei tallappasa' sangkamma allalo-lalloa. Tanaassengai angkanaya nibokoimi ri Batara.

1 SAMUEL 10:10

Ri wattunna battu Saul siagang palayanna mange ri Gibea, assibuntulu'mi ke'nanga siagang sipa'rappungang na'bi. Anjo memang wattua nikoasaimi Saul ri RohNa Allata'ala, namminawang tommo a'joge' siagang akkiok-kio' siagang ngaseng anjo na'bi-na'bia.

1 SAMUEL 16:14

Anjo lapung Saul nibokoimi ri RohNa Batara, siagang nisessami ri roh ja'dala' Nasuroa Batara.