PAMMUJI 51:1 - KITTA' MATANGKASA'

¹ Untu' pamimpin pakelong. Pammuji natulisika Daud

PAMMUJI 51:1 ပူးပေါင်းရင်းမြစ်များ

2 SAMUEL 11:2

Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.

NEHEMIA 4:5

TeaKi' pammopporangi kaja'dallanna ke'nanga siagang teaKi' kaluppai dosana ke'nanga, lanri le'ba'na nahina ikambe ambangunga kamma-kamma anne.”

PAMMUJI 106:45

Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.

PAMMUJI 106:7

Wattunna ri Mesir tena napahangi boe-boena ikambe; tanapahangai bate pare' malompoTa. Nakaluppai pangngamaseang alla'biTa, ri ampi'na Tamparang Alara' angngewai ke'nanga mae ri Kaminang Tinggia.

PAMMUJI 109:21

Mingka Kitulunga' situru' janjinTa, o Karaeng Allata'alaku, pasalamaka' lanri kabajikanTa siagang pangngamaseanTa.

PAMMUJI 119:124

Kigaukammi mae ri nakke apa situruka janjinTa siagang ajaria' katantuanTa.

PAMMUJI 145:9

Lammoro' pa'maiki mae ri sikontu taua, siagang Nakamaseang sikontu apa Napa'jaria.

PAMMUJI 4:1

Untu' pamimping pakelonga. Nirurungangi ri kacapi. Pammujina Daud.

PAMMUJI 40:11

Tena kuboliki anjo kabara' kasalamakkanga ri atingku, tuli kukabarrangi pannulunTa siagang tamamminraTa. Tena ku'mereki ri dallekanna pa'rappunganna ummatTa, mingka tuli kupappiassengangi pangngamaseanTa na tamamminraTa.

PAMMUJI 5:7

Kipossoki tu nangaia a'balle-balle, Kicini' irawai patipua siagang pabuno-bunoa.

PAMMUJI 51:9

Kitangkasia', sollangku a'jari tangkasa'; bissaia', sollangku a'jari kebo' sanrapang kapasa'.

PAMMUJI 69:13

A'jari carita' ri tampa' pa'rappunganna taua, kelong-kelong tunasa'ringa inakke napitabai.

PAMMUJI 69:16

TeaKi' balang parekangia' nilo'lorang ri bombang manaika, siagang tallang ri dapara'na tamparanga yareka ri kuburu' lantanga.

PAMMUJI 77:9

Maka ammarimi angkamaseangi ikambe? Tenamoka Narupai pole janjinNa?

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YESAYA 63:15

O Batara, Kiparhatikangi battu ri suruga, battu ri pammantangang matangkasatTa siagang mala'birika. Kemae pangngamaseanTa siagang kabaranianTa? Kemae kalammoranTa siagang pangngarimanginTa? Tea' laloKi' tahangngi anjo untu' ikambe.

YESAYA 63:7

Eroki kukabarrang pangngamaseanNa Batara lanri sikontu gau'Na kumammuji ri Ia. Allumpa-lumpai bateNa ambarakkaki umma'Na, lanri nia'na pangngamaseanNa na tena la'busu'na anjo pangngamaseanNa.

YEREMIA 18:23

Mingka iKatte, o Batara, Kiassengi sikontu apa narancanakanga ke'nanga untu' angngallei nyawaku. Lanri kammana anjo, teaKi' pammopporangngi ke'nanga; teaKi' lu'luki kasalanna ke'nanga. Kitunrungi ke'nanga sa'genna tu'guru'. Angngalle maKi' tindakang mae ri ke'nanga lanri larroTa.”

PIRAUNG 3:32

Punna le'bakki' Nasare kaballassang lamangngamaseangi antu mae ri katte, lanri tuli Nakamaseanta ri pangngai tamattappu'Na.

DANIEL 9:18

Kipilangngeri laloi ikambe, o Allata'ala, Kiciniki siagang Kiparhatikangi kasessanna ikambe kammayatompa kapanrakanna kota nigallaraka situru' arenTa. Appala' doangi ikambe mae ri Katte teai lanri jasa-jasana ikambe, passangalinna lanri lompo pangngamaseanTa.

DANIEL 9:9

Lammoro' pangngamaseangKi' siagang laboKi' ri pammopporo', manna pole nanangai ikambe angngewaya.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

KOLOSE 2:14

siagang tanjaria maki' natuntu' ri sura' pangnginranganta, sannaka battala'na mae ri katte. Lanri nasalli'namo anjo sura' pangnginranganga mae ri kayu sallika, taNarekenga ngasemmi Allata'ala anjo laNatuntuka mae ri katte.