PAMMUJI 50:3 - KITTA' MATANGKASA'

³ Battui Allata'alata siagang talammantangai a'mereki, a'jappa rioloi ri pepe' a'lepa'-lepaka, nikulilingi ri angnging sannaka lompona.

PAMMUJI 50:3 ပူးပေါင်းရင်းမြစ်များ

PAMMUJI 48:14

Parhatikangi tembo'na, paressai tembo' pattahanganna, sollanna akkulle nucarita mae ri turungannu:

PAMMUJI 50:21

Iaminjo nugaukang, mingka a'merekijA' bawang, jari nupikkiri'mi angkana sangkammA' ikau. Mingka kamma-kamma anne Kucallako, na yangasenna anjo Kupa'nyatai mae ri kau.

PAMMUJI 68:20

Pujimi Batara, saba' Iami ampasalamakki'; allo-allona Napisang erangnganta.

PAMMUJI 83:1

Pammujina Asaf: se're kelong-kelong.

PAMMUJI 96:13

Saba' Batara battu ammarenta ri lino, laNaadeli bansa-bansaya siagang adele' na lambusu'.

KALAPPASSANG 19:18

Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”

YEHEZKIEL 1:4

Acconga' nai', nakucini'mo angnging lompoa ammiri' battu wara'. Kuciniki kilaka a'lepa'-lepa' battu ri sigompoang rammang ia sannaka lompona; nampa langika ri tammulilina teai sipato' singara'na. Lalang ri anjo kila' a'lepa'-lepaka nia' kucini' apa-apa accila'-cilla' sangkamma tambaga.

DANIEL 7:10

kammayatompa nia' pepe' a'lo'loro' battu ri anjo empoang kakaraenganga. Assa'bui tau allayani, siagang a'juta-jutai tau ammenteng ri dallekanNa. Nampa nipakaramulamo sidang pangadelanga, siagang nisungkemi kitta'-kittaka.

KAIMANGNGANG 10:2

Jari Napabattumi Batara pepeka antunui ke'nanga sa'genna mate ri KemaNa Batara.

HABAKUK 3:5

Kisuroi garringa a'jappa ri dallekanTa nakamateanga amminawang ri bokoTa.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

PAMMILANGNGANG 16:35

Nampa appabattumo pepe' Batara na nakanre sa'genna ammutung anjo 250 tau assarea dupa.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

PAOLE 9:3

Mingka kamma-kamma anne ikau kalennu lanciniki antekamma bateNa Karaeng Allata'alanu a'jappa ri dallekannu rapang pepe' appakamutunga. LaNabetai ke'nanga ri dallekang matannu, sa'gennu akkulle ambongkai ke'nanga siagang angngancuruki silalonna ke'nanga sangkamma Napa'janjianga Batara.

IBRANI 12:29

Nasaba' anjo Allata'alata sanrapangi pepe' appakamutunga.

IBRANI 2:3

La'biangampa pole anjo kasalamakkang hebakkanganga na anjo sikamma pappasanga. Punna tena nanijampangi anjo kasalamakkanga, mattantu takkulleaki' lata'lappasa' battu ri hukkunganga. Nasaba' KalenNa Batara uru-uru ampa'la'bangi anjo kasalamakkanga; na sikamma tau uru-uru allangngerekai le'ba'mi napa'butti katojenganna mae ri katte.

PAPPICINI' 22:20

Ia ampabattuai sikammaya anne birittaya angkanami, “Kontutojengi, mattantu labattuA' linta'!” Aming! Battu maKi', o Batara Isa!