PAMMUJI 50:23 - KITTA' MATANGKASA'

²³ Tau assarea koro'bang sukkuru' salaku koro'banna, iami ampakalompoA', siagang mae ri tau appasadiaya oloang laKupicinikiangi kasalamakkang battua ri Nakke.”

PAMMUJI 50:23 ပူးပေါင်းရင်းမြစ်များ

PAMMUJI 120:1

Kelong siara. Lalang kasusaangku akkioka' mae ri Batara, na Napialia'.

PAMMUJI 22:23

Lakucaritai sikamma gautTa mae ri sikamma sari'battangku; lalang ri passirapakkanna ummatTa mammuji-mujia' ri Katte.

PAMMUJI 25:14

Batara belana tu mappilangngeria, Napappiassengangi ri ke'nanga apa Nakaerokia.

PAMMUJI 27:6

Anne kamma ammetama' mae ri musungku niaka angkatulunga'; jari makkio' rannuma' assare koro'bang sukkuru' ri BallatTa; erokka' akkelong siagang mammuji mae ri Batara.

PAMMUJI 34:5

Appala' doanga' ri Batara, nampa appialimo, na Nalappassanga' battu ri kamallakkanga.

PAMMUJI 85:13

Napassareangi Batara bajika, nalangngerang wassele' buttata.

PAMMUJI 85:9

Erokka' ampilangngeri kananNa Karaeng Allata'ala; Napa'janjiangi kasalewanganga mae ri katte, umma'Na, assala' tenaja nigaukang poleangi dosaya.

PAMMUJI 86:12

Appala' sukkurukka' mae ri Katte lalang sibatu pa'maikku o, Karaeng Allata'alaku; erokka' mammuji ri kalompoanTa satunggu-tungguna.

PAMMUJI 86:9

Sikontu bansa Kipa'jaria labattu ngasengi, o, Batara, untu' anynyomba mae ri Katte siagang mammuji ri kalompoanTa.

PAMMUJI 91:16

LaKupassukkuki pa'mai'na naKupakala'bu umuru'na, siagang Kupasalamaki.”

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 45:17

Mingka Israel Nipasalamaki ri Batara; lattahangi kasalamakkanna. Ikau ngaseng tena nulanipakasiri' siagang lanihina sa'genna satunggu-tungguna.’ ”

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

LUKAS 2:30

Nasaba' le'ba'mi nacini' mata kalengku Pappasalama' battua ri Katte.

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

LAMPA-LAMPANA 11:14

Iami lampabattui mae ri kau kabara' lakkullea ampasalamakko siagang sikontu bone balla'nu.’ ”

LAMPA-LAMPANA 13:26

Sossoranna ngasengko Abraham. Siagang sikamma sari'battang maraenganga anrinni anynyombai mae ri Allata'ala! Napabattumi Allata'ala mae ri katte anjo kabara' kasalamakkanga;

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

ROMA 15:6

Lalang ma'julu atinu nukkulle assama-sama mammuji mae ri Allata'ala, ManggeNa Batarata Isa Almasi.

ROMA 15:9

Napa'jari tommi Isa bansa-bansa maraenga appakala'biri' mae ri Allata'ala, lanri baji' pa'mai'Na Allata'ala mae ri ke'nanga. Nia' tattulisi' lalang ri Kittaka, angkanaya, “Lanri kammanami anjo nakulamammuji-muji mae ri Katte ri tangnga-tangngana bansa-bansaya, lamakkelonga' mammuji-muji mae ri arenTa.”

GALATIA 1:24

Jari, ammuji-mujimi ke'nanga ri Allata'ala, passabakkang inakke.

GALATIA 6:16

Kuminasai ri Allata'ala sollanna nisare katallassang salewangang siagang pangngamaseang anjo tau kammaya katallassanna; kammayatompa sikontu umma'Na Allata'ala.

FILIPI 1:27

Jari, ia parallua kamma-kamma anne, iamintu musti attallasakko situru' apa nakaerokanga anjo Kabara' Bajika ri sesena Almasi. Jari, iaka nisigappa yareka tena, mingka lakulangngereki angkanaya majarrekko asse're, siagang lasiagang ngasengko anjama a'julu ero' siagang a'julu pattujuang; iamintu untu' katappakkang situru' anjo Kabara' Baji' battua ri Allata'ala.

YAKOBUS 3:13

Punna nia' tau cara'de' siagang baji' ateka' ri tangnga-tangnganu, parallui napappicinikang katallassang bajika, nagaukangi apa-apa bajika, kammayatompa cara'deki na tuna pa'mai' ri katallassanna.

1 PETRUS 1:15

Mingka, paralluko matangkasa' lalang sikontu apa nugaukanga, sangkamma matangkasa'Na anjo Allata'ala angkiokako.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.