PAMMUJI 50:13 - KITTA' MATANGKASA'

¹³ Tena Kungnganre dageng sapi laki, tena todong Kungnginung cera' bembe laki.

PAMMUJI 50:13 ပူးပေါင်းရင်းမြစ်များ

PAMMUJI 69:31

Kulamammuji mae ri Allata'ala siagang kelong-kelong, kupakalompoi lalang kelong-kelong appala' sukkuru'.

PAMMUJI 69:32

Anjo la'bi Natarimai Batara nakoro'bang sapia, koro'bang sapi laki lompoa.

KAIMANGNGANG 7:12

Punna nipassareang anjo koro'banga untu' appala' sukkuru', anjo olo'-oloka musti nikoro'bangkangi siagang roti tenaya nammake pa'gambang. Anjo rotia akkullei kapala', nipareka battu labu' nipasileoka minynya' zaitun, akkulle tongi roti kalotoro' nipisika siagang nisapua siagang minynya', yareka kanrejawa labu' nipasileoka siagang minynya' zaitun.

YOHANES 4:24

Nasaba' Roh anjo Allata'ala, jari lanri koasa RohNa Allata'ala bawang nakkulle anynyomba rupataua mae ri Manggea salaku Allata'ala matojenga.”

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

PAOLE 32:38

Nusarea angnganre koro'bang jaia jannana, angnginunga jai je'ne' anggoro'. Lappassammi natulungko ke'nanga; suromi ke'nanga battu untu' ampasalamakko ri kamma-kammaya anne.

PAOLE 33:19

Nabirittai bansa maraenga nai' ri monconna ke'nanga; koro'bang sitojennaya napassareang ke'nanga anjoreng. Battu ri tamparangi anggappa pa'barang-barangngang ke'nanga, battu ri tambunna kassika nagappa ke'nanga.”