PAMMUJI 5:11 - KITTA' MATANGKASA'

¹¹ Hukkungi ke'nanga, o Allata'ala, lappassammi cilaka lanri rancanana tonji. Bongkai ke'nanga lanri jaina dosana, saba' angngewami ke'nanga mae ri Katte.

PAMMUJI 5:11 ပူးပေါင်းရင်းမြစ်များ

AYUB 38:7

ri wattu akkelong sikamma bintoeng bari'basaka siagang akkio' rannu sikamma apa attallasaka ri suruga?

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

PAMMUJI 35:27

Poro tu eroka ancinikka' nipattojeng akkio' rannu siagang ma'reja-reja. Poro a'mole-molei ke'nanga angkana, “Malompo tojenna Batara! Nakaerokangi kasalamakkanna atanNa!”

PAMMUJI 40:16

Boli'mi kamma anjo tau angkakkalia' a'jari ta'bangka na siri'-siri'.

PAMMUJI 58:10

Ri tenanapa nangngu'rangi, naposso'mo ke'nanga, sanrapang rompo' moncongbulo iji na tenapa nalompo mingka la'busu'mi niri'bakang ri anging, sanrapang lamung-lamung kalotoro'.

PAMMUJI 65:13

Parang lompoa rassi bembe siagang gimbala', sikontu bulu'na ma'rannu-rannui.

PAMMUJI 68:3

Nibongkai ke'nanga a'lampa ri Allata'ala, sanrapang umbu nituika ri anging nampa lanynya'. Sanrapang liling assolong lalang pepe', kammaminjo lanynya'na tau ja'dalaka battu ri dallekanNa Allata'ala.

PAMMUJI 69:36

Ia lampasalamaki Yerusalem siagang ambangungi ammotere' kota-kotana Yehuda. Lammantangi umma'Na Batara anjoreng; a'jari napatangi ke'nanga anjo buttaya.

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

1 KORINTUS 2:9

Mingka sangkamma apa tattulisika lalang ri Kittaka angkanaya, “Apa tenaya nale'ba' nacini' yareka nalangngere' rupataua, kammayatompa tenaya nale'ba' ammumba lalang ri pikkiranna rupataua, iaminjo Napasadia Allata'ala untu' tau mangngamaseanga ri Ia.”

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.