PAMMUJI 49:17 - KITTA' MATANGKASA'

¹⁷ Teako mallakki punna nia' tau a'jari kalumanynyang, na pila' katambang pa'barang-baranganna.

PAMMUJI 49:17 ပူးပေါင်းရင်းမြစ်များ

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

AYUB 27:19

Napara'bai kalenna sangkamma tau kalumanynyang, mingka takkulleai napa'mole-molei, ri wattu ambangunna ri tinrona, lanynya' ngasemmi kakalumanynyanganna.

PAMMUJI 17:14

Kilappassanga' battu ri sikamma tau eroka appatambung pa'barang-barangngang ri lino. Kihukkungi ke'nanga siagang bala lompo ia le'baka Kipasadia untu' ke'nanga Lappassammi nihukkung todong ana' cucunna ke'nanga.

KATO'BA 5:15

Anjo kammaya teai sipato' appakasi'nana! A'lampaki' sangkamma ri wattunta battu. Nimangngangngi kalenta untu' angngondang anging, nampa apa wassele'na?

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YESAYA 5:14

Tassungke luaraki bawana kamateanga untu' angnga'luki sikamma pamimpinna Yerusalem siagang ra'ya' sitabanga assua'-suara'.

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

LUKAS 16:24

A'gorami anjo tau kalumanynyanga angkioki Abraham nakana, ‘O, Pa' Abraham! Kikamaseang laloa'. Kisuro sai Lazarus ambasai karemenna antama' ri je'neka nampa naung mae ambassai lilaku. Teai sipato' sessana kusa'ring ammantang lalang ri anne pepeka!’

1 KORINTUS 15:43

Ri wattunna nitarawang anjo tubua, kodi tanja'na siagang lammai; mingka ri wattunna nipattallasa' poleang ammotere', a'jarimi tubu maga'ga siagang makassa'.

1 TIMOTIUS 6:7

Nasaba' tena sikali apa-apa nierang antama' ri anne linoa. Kammayatompa tena sikali todong apa-apa akkulle nierang punna nibokoi anne linoa!