PAMMUJI 49:15 - KITTA' MATANGKASA'

¹⁵ Sanrapang gimbala', nipattantui ke'nanga untu' mate; kamateang langkalawaki ke'nanga. Ri bari'basa' iji nibetami ke'nanga ri tau lambusuka linta'mi botto' tubuna ke'nanga lalang ri linona tu matea, bella battu ri pammantanganna tau assannang-sannanga.

PAMMUJI 49:15 ပူးပေါင်းရင်းမြစ်များ

PA'JARIANG 5:24

Lanri tuli sipa'rappunganna siagang baji' Henokh mae ri Allata'ala, allanynya'mi lanri niallei ri Allata'ala.

PAMMUJI 31:5

Kilappassanga' battu ri sikko' nitannanga untu' inakke, saba' iKattemi tampa' pa'la'langangku.

PAMMUJI 56:13

Lakurupai janjingku mae ri Katte, o, Allata'ala, na kuassare koro'bang sukkuru' mae ri Katte.

PAMMUJI 73:24

Kirenrenga' siagang pappakainga', siagang Kitarima' lalang kala'birang sallang.

PAMMUJI 86:13

Saba' tuli Kikamaseanga' lalang pangngamaseang lompoTa; Kilappassammi nyawaku battu ri kali'bong kuburuka.

PAMMUJI 89:48

Kiu'rangi laloi antekamma bodona anne tallasakku, Kipa'jari rupataua a'jari tau lamate.

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

LUKAS 23:46

Nampa ammarrang lompomi Isa Nakana, “Bapa'! Ri lalang limanTai Kupassareang KalengKu!” Le'baki akkana kamma, tappu'mi nyawaNa.

YOHANES 14:3

Punna le'ba'Ma' a'lampa ampasadiang ngasengko tampa', lammotere' poleamMa' angngalle ngasengko; sollanna kemae-kemae pammantangangKu, lania' ngaseng tommako anjoreng.

LAMPA-LAMPANA 7:59

Lalang nasambilana ke'nanga Stefanus, akkio'mi Stefanus, nakana, “O Batara Isa, Kitarimami nyawaku!”

PAPPICINI' 14:13

Nampa nia' kulangngere' sa'ra battu ri suruga angkana, “Tulisiki anne: Maupaki tau matea appakkaramula ri kamma-kamma anne, ilalang nalayanina Batara!” Appialimi RohNa Allata'ala angkana, “Annabai! Lammari ke'nanga anjama terasa', lanri tuli nia'na wassele' palayananna ke'nanga anrurungangi.”

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.