PAMMUJI 49:13 - KITTA' MATANGKASA'

¹³ Takkulleai rupataua tulusu' lattallasa' assannang-sannang; sanrapang olo'-olo', laposso' tongi.

PAMMUJI 49:13 ပူးပေါင်းရင်းမြစ်များ

KATO'BA 3:19

Manna antekamma, anjo sarenna rupataua siagang olo'-oloka sirupaji. Se'rea lamatei, maraengannaya kamma todong. Rua-ruana sangkamma, iamintu apa attallasa'. Jari, tena nala'bi upa' rupataua na olo'-oloka, saba' para sia-siaji anjo tallasaka mae ri ia.

YEREMIA 44:17

Sikontu apa napa'janjianga ikambe, tena tanagaukanna ikambe. Tuli lassarena koro'bang ikambe mae ri Ratu Suruga, siagang appatiri' je'ne' anggoro' salaku passare mae ri ia sangkamma biasaya nigaukang ri kota-kota Yehuda siagang ri agang-aganga ri Yerusalem, iamintu nigaukanga ri boe-boena ikambe, ri sikamma karaenga siagang pagawe-pagawe pamarentana ikambe, kammayatompa nagaukanga kalenna ikambe. Anjo wattua anggannaki kanre-kanreanna ikambe, akkalumanynyangi ikambe, siagang tena sikali kasukkaranna ikambe.

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

1 KORINTUS 3:19

Nasaba' tau nicini' cara'deka ri anne linoa, sikontutojenna nicini' dongoki ri Allata'ala. Nia' tattulisi' lalang ri Kittaka angkanaya, “Battu ri kacara'dekanna tonji tu cara'deka, nanijakkala'mo kananna ri Allata'ala.”