PAMMUJI 48:14 - KITTA' MATANGKASA'

¹⁴ Parhatikangi tembo'na, paressai tembo' pattahanganna, sollanna akkulle nucarita mae ri turungannu:

PAMMUJI 48:14 ပူးပေါင်းရင်းမြစ်များ

2 SAMUEL 7:24

Le'ba'mi bansa Israel Kipa'jari ummatTa sa'genna satunggu-tungguna, siagang iKatte o Batara, a'jari Allata'alana ke'nanga.

PAMMUJI 16:2

Kukana, “IKattemi Bataraku, kate'neangku, tenamo la'biangngang naiKatte!”

PAMMUJI 25:9

Narenrengi Batara tu tuna pa'maika, na Naajara' ke'nanga apa Nakaerokia.

PAMMUJI 31:14

Ri kere-keremae nia' apa appakamalla' dudu kulangngere' kabara'-kabara' anging battu ri musungku. Assikongkoloki ke'nanga ambalianga', appareki rancana untu' ambunoa'.

PAMMUJI 71:18

O, Allata'ala, tea' laloKi' bokoia', sa'gengku toa siagang kebo' uukku, sollanna kukabarrang koasaTa siagang kaporeanTa mae ri sikontu turungang labattua.

PAMMUJI 73:24

Kirenrenga' siagang pappakainga', siagang Kitarima' lalang kala'birang sallang.

PAMMUJI 73:26

Manna pole na'jari lamma nyawaku siagang batangkalengku, iKatte kagassingangku, o, Allata'ala; iKattemi yangasenna kupatanga sa'genna satunggu-tungguna.

PANGNGEBARANG 8:20

Amminawanga' ri oloang kaadelanga, a'dakka' ri agang kalambusanga.

YESAYA 58:11

INakke tuli lampimpingko siagang lampakabassorokko ri butta kalotoroka; iNakke lanjagaiko sollannu tuli akkamale siagang kassa'. Larapangko koko anggannaka ri je'ne', rapang timbuseng je'ne' tenaya nale'ba' a'jari kalotoro'.

PIRAUNG 3:21

Mingka manna nakamma mamo ambangunji ammotere' panrannuangku, ri wattunna kuu'rangi anne passalaka:

PAMMILANGNGANG 9:22

Lalang nia'na anjo rammanga irateanganna KemaNa Batara, apaka ruangallo, sibulang, sitaung yareka la'bi, sikamma tomminjo sallona ke'nanga ammantang ri anjo tampaka. Punna nai' anjo rammanga, nampami a'lampa ke'nanga.

YOHANES 16:13

Mingka punna battumo RohNa Allata'ala, iamintu ampa'nyatai katojenganNa Allata'ala, laniajara' mako angngassengi sikontu katojenganga. Tena nabattu ri KalenNa bawang nala'bicara, mingka apa-apa le'ba' Nalangngere' iaminjo Nabicara. Kammayatompa laNapauang tongko apa lakajarianga sallang ri allo ri boko.