PAMMUJI 46:7 - KITTA' MATANGKASA'

⁷ A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

PAMMUJI 46:7 ပူးပေါင်းရင်းမြစ်များ

2 PATTOTTORANG 13:12

Ikatte pamimpinta iamintu Allata'ala KalenNa siagang sikamma imang niaka anrinni. Sadiami ke'nanga appasa'ra tarompe' untu' a'jari pammatei ri katte lamaju ambundukiko. He, tu Israel, teako angngewai ri Batara, Allata'alana boe-boenu! Takkulleako ammeta!”

PAMMUJI 2:1

Angngapa nappare' ricu bansa-bansaya na'rancana suku bansaya apa tama'matu-matua?

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 9:9

Adeleki ammarenta ri bansa-bansaya na lambusuki angngadeli mae ri ke'nanga.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

PAMMILANGNGANG 14:9

Teako angngewai mae ri Batara, siagang teako mallakki mae ri tau niaka ammantang anjoreng ri pa'rasanganga, nasaba' gampang sikali lanibeta. Anjo alla'langiai ke'nanga a'lampami ambokoi ke'nanga, siagang Batara anrurungangki'. Jari teako mallakki.”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

2 TIMOTIUS 4:22

Poro nirurungangko ri Batara. Poro nibarakkaki ngasengko ri Batara! Sallangku, Paulus