PAMMUJI 46:5 - KITTA' MATANGKASA'

⁵ Nia' lo'lorang je'ne' binanga ampakarannui KotaNa Allata'ala, tampa' pammantanganNa Allata'ala Kaminang Tinggia.

PAMMUJI 46:5 ပူးပေါင်းရင်းမြစ်များ

PAMMUJI 112:6

Tau bajika tena nalanipassalasa; tuli laniu'rangi satunggu-tungguna.

PAMMUJI 125:1

Kelong siara. Tau tappaka mae ri Batara, sanrapangi Bulu' Sion majarre' tama'lenggaya, attahang satunggu-tungguna.

PAMMUJI 143:8

Punna bari'basa', Kipiu'rangianga' pangngamaseanTa, saba' ri Kattemi panrannuangku. Kipicinikianga' oloang mustia kuolo, saba' ri Kattema' appala' doang.

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 37:40

Natulungi siagang Napasalamaki ke'nanga, Nalappassangi ke'nanga battu ri tu ja'dalaka, saba' a'la'langi ke'nanga mae ri Ia.

PAMMUJI 62:2

Kupakasannangi nyawaku antayangi Allata'ala, battu ri Iaji bawang kasalamakkanga.

PAMMUJI 62:6

Kupasannangi nyawaku antayangi Allata'ala, battu ri Iaji bawang kasalamakkangku.

PAMMUJI 68:18

Appulo sa'bu kareta kassa' Napake ammumba Allata'ala siagang sanna' mala'biri'Na ri alla'na ke'nanga.

KALAPPASSANG 14:24

A'biringi bari'basa', attoa'mi Batara battu ri benteng pepeka siagang rammanga mae ri tantara Mesir nampa Napa'jari sikaco-kaco ke'nanga.

KALAPPASSANG 14:27

Nampa napajonjomo limanna Musa ri tompo'na tamparanga; na ri wattunna ammumbamo alloa, ammotere'mi je'neka sangkamma riolo. Ero'mi tu Mesirka lari ampasalamaki kalenna, mingka nitallangngammi ke'nanga ri Batara antama' ri tamparanga.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.

YEHEZKIEL 43:9

Mingka appakkaramula kamma-kamma anne musti napammari ke'nanga anynyomba ri barhala siagang napaletteki sikamma maya'na karaenna ke'nanga. Le'baki anjo, lammantamMa' ri tangnga-tangngana ke'nanga sa'genna satunggu-tungguna.”

YEHEZKIEL 47:1

Naeranga' anjo tu bura'nea ammotere' mange ri pakke'bu' antamaya ri Balla'Na Batara. Nia' kucini' je'ne' a'lo'loro' battu rawanganna anjo pakke'buka a'lampa anrai', sangkamma Balla'Na Batara a'dalle' anrai' tongi. Anjo je'neka a'lo'loroki battu ri rawanganna pakke'bu' lompona Balla'Na Batara bageang timboro', allalo ri sa'ri timboranna tampa' pakkoro'bangnganga.

HOSEA 11:9

Tena nalaKuhukkungko lalang larroKu; tenamo nalaKuancurukko pole. Nasaba' iNakke Allata'ala, tena Kusangkamma rupataua. INakke, Matangkasaka, anrurungangko, siagang taerokaMa' larro mae ri kau.”

YO"EL 2:27

Jari nuasseng ngasemmi, he Israel, angkanaya niakKa' ri tangnga-tangnganu, siagang angkanaya iNakkemi Batara, Allata'alanu. Tena Allata'ala maraeng, pantarangannaya iNakke KalengKu. Tenamo nalanipakasiri' poleang ummakKu!”

ZEFANYA 3:15

Nasaba' ammarimi Batara anghukkungko; le'ba'mi Nabongka ngaseng musunnu. Nila'langngiko ri Karaeng Israel, iamintu KalenNa Batara. Kamma-kamma anne tenamo nuparallu malla'.

ZAKHARIA 2:5

Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”

ZAKHARIA 8:3

LammoterekKa' mange ri Yerusalem, anjo kota matangkasakKu, nampa ammantang anjoreng. Laniassengi Yerusalem salaku kota tamamminraya, siagang bontoNa Batara Kaminang Koasaya lanigallaraki Bonto Matangkasa'.

MATIUS 18:20

Nasaba' kemae nia' rua yareka tallu tau a'rappungang nasaba' iNakke, laniakKa' hadere' ri tangnga-tangngana ke'nanga.”

LUKAS 18:8

Patappa'mi angkanaya: Lalintaki Nasare ammeta ke'nanga! Mingka punna battu Ana' Ma'rupataua, maka lania'ja tau tappa' nabuntulu' lalang ri anne linoa?”

PAOLE 23:14

Karaeng Allata'alanu anrurungangko lalang ri pakkemaanga untu' alla'langngiko siagang untu' assareko pammetang mae ri musu-musunnu. Jari, jagai sollanna tuli matangkasa' pakkemaannu. Teako nia' apa-apa tenaya nasiratang ri alla'nu, sollanna tena Nabokoiko Batara.”

PAPPICINI' 2:1

“Untu' mae ri malaeka'na jama'ah Efesus, tulisiki kamma anne: Iaminne pappasang battu ri Ia anta'galakai anjo tujua bintoeng ri lima kananNa, siagang a'jappaya ri alla'na anjo tujua bangkeng lampu bulaenga.