PAMMUJI 44:7 - KITTA' MATANGKASA'

⁷ Saba' tena kupattoangi panaku, manna pa'dangku talanapasalamaka'.

PAMMUJI 44:7 ပူးပေါင်းရင်းမြစ်များ

2 SAMUEL 7:10

Nampa pole, untu' ummakKu Israel le'ba'mi Kupasadiang tampa' siagang Kusuroi ke'nanga ammantang tuli anjoreng, sollanna akkulle sannang tallasa'na ke'nanga, tenamo naniricui pole. Baku' battuna ke'nanga mae anrinni ri buttaya riolo, na Kuangka' pamimping-pamimpinga untu' ke'nanga, nibunduki ke'nanga ri sikamma tau mangngaia ri gau' katerassang, mingka anjo passala' kammaya tenamo nalakajariang poleang. A'janjiA' angkanaya laamangko battu ri sikontu musua, siagang laKusareko jari-jari.

PAMMUJI 132:18

Tuli lasalewangangi kakaraenganna, mingka musu-musunna lanipakasiriki.”

PAMMUJI 136:24

Nalappassangki' battu ri musua; pangngamaseanNa sa'genna satunggu-tungguna.

PAMMUJI 140:7

O, Batara, kukana: IKattemi Allata'ala, Kiparhatikanga' lalang pappala' doangku.

PAMMUJI 144:10

Kisarei pammetang sikamma karaenga, siagang Kilappassang atanTa Daud.

PAMMUJI 40:14

O, Batara, Kipasalama' laloa', o, Batara sadia maKi' untu' antulunga'!

PAMMUJI 53:5

Nakana Batara, “Tenaka nangngu'rangi anjo sikamma tau ja'dalaka? Lalang tallasa'na narampasaki ke'nanga apa-apanna ummakKu siagang tena le'bakai appala' doang mae ri Nakke.”

HOSEA 1:7

Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

YOSUA 11:6

Nakanamo Batara mae ri Yosua, “Teako mallakki mae ri ke'nanga. Ri wattu kamma-kammaya anne ammuko, le'ba' ngasemmi Kubuno ke'nanga lanri tu Israel. Musti nupesoki jaranna ke'nanga, siagang musti nutunui kareta-kareta pa'bundukanna ke'nanga.”

HAKING-HAKING 2:18

Punna nia' Napassareang Batara se're pamimping mae ri bansa Israelka tuli Natulummi Batara anjo pamimpinga. Na lalang ri tallasa'na anjo pamimpinga, tuli nilappassanna ke'nanga battu ri musu-musunna. Mangngamaseangi mae ri ke'nanga punna Nalangngere' ke'nanga akkunrareng lanri nisessana siagang nijallakkanna ke'nanga.

1 SAMUEL 17:47

Siagang sikontu tau niaka anrinni lanaciniki angkanaya tena Naparallu Batara ri pa'dang yareka poke untu' ampasalamaki umma'Na. Iami ampattantui jappana anne pa'bundukanga, siagang Iami lampassareang ngasengko mae ri limanna ikambe.”