PAMMUJI 44:4 - KITTA' MATANGKASA'

⁴ Anjo buttaya tena naalle passai ke'nanga siagang pa'dang; teai lanri kagassingang kalenna nammeta ke'nanga, mingka lanri koasana siagang cayana kahaderanTa, saba' mangngellaiKi' mae ri ummatTa.

PAMMUJI 44:4 ပူးပေါင်းရင်းမြစ်များ

PAMMUJI 111:6

Le'ba'mi Napappicinikang koasaNa mae ri umma'Na, iamintu Nasarei ke'nanga butta pisaka bansa-bansaya.

PAMMUJI 149:2

Rannuko, he Israel, lanri Mappa'jarinu; ma'reja-rejako, he pandudu'na Sion, lanri Karaennu!

PAMMUJI 74:12

Battu rioloji naiKatte Karaengku, o, Allata'ala, iKattemi ampasalamaki ikambe.

PAMMUJI 89:18

Kisarei ikambe pammetang lompo, lanri kabajikanTaji bawang nammeta ikambe.

KALAPPASSANG 15:6

Tamaka mappakalannasa'na kagassinganTa, o Batara, Kipaccappuki musunTa tasimbung-simbung.

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

MARKUS 1:31

Mangemi Isa anta'galaki limanna anjo matoang bainena Simon, nampa nabantu ambangung. Ammarimi rammusu', siagang appakkaramulami allayani ke'nanga.

MARKUS 1:41

Tu'guru'mi pangngamaseanNa Isa anciniki anjo taua. Jari Nata'gala'mi anjo taua na Nakana, “Kukaerokangi, a'jari baji' mako!”

MARKUS 9:25

Wattunna Nacini' Isa, angkanaya appakkaramulami jai tau battu a'lipung, Nasuromi a'lampa anjo roh ja'dalaka. Nakana, “E kau roh tongoloka siagang pepea, Kuparentakangko assulu' battu lalang ri kalenna anne anaka, siagang tea' laloko antamakki pole!”

PAOLE 7:19

U'rangi sikamma bala lompo nucinika kalennu, gau'-gau' appakalannasa', siagang kakoasang lompo Napakea Karaeng Allata'alanu untu' allappassangko. Kamma tomminjo laNagaukanga Karaeng Allata'alanu mae ri sikontu bansa nukamallakkanga.

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.

YOSUA 24:12

Ri wattunnu maju ambunduki ke'nanga, Kupa'jari lingui ke'nanga siagang Kupa'jari mallaki ke'nanga, sa'genna larimo anjo ruaya karaeng tu Amori napakamma malla'. Teai pa'dannu siagang teai todong pananu assareko pammetang.