PAMMUJI 44:11 - KITTA' MATANGKASA'

¹¹ Kibalang parekangi ikambe lari battu ri musunna ikambe, nampa narampasa' ke'nanga pa'barang-baranganna ikambe.

PAMMUJI 44:11 ပူးပေါင်းရင်းမြစ်များ

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

PAMMUJI 106:27

Turunganna ke'nanga laNapelaki ri alla'na bansa-bansaya siagang laNapasisa'la'-sa'laki ke'nanga ri pa'rasangang maraeng.

PAMMUJI 14:4

Nakana Batara, “Tenaka nangngu'rangi anjo sikamma tu ja'dalaka? Lalang tallasa'na narampasaki ummakKu siagang tena le'bakai appala' doang mae ri Nakke.”

PAMMUJI 60:1

Untu' pamimping pakelong. Situru' lagu: Bunga bakung kasa'biang. Kelong pangngajara' battu ri Daud,

YEREMIA 12:3

Mingka iKatte, o Batara, Kiassenga'. Kiciniki apa kugaukanga, siagang Kiassengi antekamma pa'maikku mae ri Katte. Kiembai anjo sikamma tau ja'dalaka assulu', erangi ke'nanga rapang gimbala' mange ri pamolonganga. Kijagai ke'nanga sa'genna narapi' wattunna nipolong ke'nanga.

YEREMIA 32:37

LaKupasse'rei anne bansaya battu ri sikontu pa'rasangang tampa'na ke'nanga Kupasisa'la'-sa'la' lanri larroKu siagang lussakKu mae ri ke'nanga. LaKuerangi ke'nanga ammotere' mae anrinni siagang Kukellai ammantang anrinni siagang amang.

YEHEZKIEL 34:12

sangkamma sitau pakalawaki amboyai siagang ampa'rappungi sikamma gimbala'na tassiaraka nampa naparakai ke'nanga. LaKuerangi ke'nanga ammotere' battu ri sikontu tampa'na tassiara' ri anjo allo sassanga siagang battuna balaya.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

ROMA 8:36

Nia' tattulisi' lalang ri Kittaka kana kammaya anne: “Sikabusu'na alloa niaki lalang ri bahaya kamateanga ikambe passabakkang Ikau. Nipare' sangkamma maki' gimbala' eroka nisamballe.”

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.