PAMMUJI 43:4 - KITTA' MATANGKASA'

⁴ Kulamange ri tampa' pakkoro'bangnganNa Allata'ala, andallekang ri Allata'ala kabattuanna kate'neangku. Lamakkelonga' siagang lakkarena kacapi, untu' ampujiKi', o, Allata'ala, Allata'alaku.

PAMMUJI 43:4 ပူးပေါင်းရင်းမြစ်များ

2 SAMUEL 6:5

Daud siagang sikontu bansa Israel a'jappa ri dallekanna anjo Pattia a'joge'-joge' sipagassing-gassinna tojeng siagang akkelong-kelong untu' ampakala'biriki Batara. Akkarena kacaping, gambusu', rabana, rincing-rincing siagang kasidai ke'nanga.

PAMMUJI 26:6

Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

PAMMUJI 33:2

Appala' sukkurukko mae ri Batara siagang kacapi, akkelongko mae ri Ia nirurungang ri sa'ra musi'.

PAMMUJI 42:6

Angngapa nasi'na siagang lussa' pa'maikku? Manrannuanga' ri Allata'ala. Na kulappala' sukkuru' pole mae ri Ia, ri Allata'alaku siagang Tumappasalamakku.

PAMMUJI 57:8

Kujarreki tappakku, o, Allata'ala, kujarreki tappakku, erokka' akkelong siagang ampujiKi'.

PAMMUJI 57:9

He, ambangungko, nyawaku! He, ambangungko gambusuka siagang kacapia! Erokka' ampabangungi bari'basaka.

PAMMUJI 63:2

O, Allata'ala, iKattemi Allata'alaku, nakkuka' ri Katte na kuboyaKi', Sanrapang butta kalotoro' nakku' ri je'ne', kammaminjo nakkukku mae ri Katte.

PAMMUJI 81:2

Akkelongko pammuji-muji mae ri Allata'ala, kagassinganta, akkio' rannuko ma'reja-reja mae ri Allata'alana Yakub.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

ROMA 5:11

Ba'lalo la'biangampa pole, marannu tommi pa'maitta lanri kabajikanNa Allata'ala tete ri Batarata Isa Almasi. Nasaba' mannete ri Isa Almasi nanikasia'mo anjo passisambungang bajika siagang Allata'ala.

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.