PAMMUJI 42:4 - KITTA' MATANGKASA'

⁴ Allo bangngia' angngarru', je'ne' mata mami kanre-kanreangku. Sila'busu'na alloa akkuta'nang musungku angkana, “Kemaeji Allata'alanu?”

PAMMUJI 42:4 ပူးပေါင်းရင်းမြစ်များ

2 KARAENG-KARAENG 18:30

Teako pilangngeri panynyonyo'na untu' manrannuang ri Batara. Teako kapangngi angkanaya laNapasalamakko Batara yareka laNarompai tantara Asyur untu' angngallei kotanu.

2 KARAENG-KARAENG 18:32

sa'gennu kupalette' mange ri se'reang pa'rasangang eroka sangkamma pa'rasangang kalennu. Anjoreng nia' koko anggoro' a'rappoa untu' ikau, siagang koko gandung assarea wassele' labu' untu' kanrenu. Anjoreng ri pa'rasanganga jai poko' zaitun, minynya' zaitun siagang je'ne' bani. Punna nuturuki apa kupassuroanga mae ri kau, lattallasakko la'bu umuru'nu. Teako pilangngeri Hizkia! Poro ero'naji amballe-balleiko angkanaya laNapasalamakko Batara.

2 PATTOTTORANG 7:10

nampa ammukona ri tanggala' 23 bulang 7, nasuromi Salomo ammotere' anjo taua. Rannu kabusuki taua mae ri anjo sikontu kabajikang Nagaukanga Batara mae ri bansa Israel umma'Na, mae ri Daud, kammayatompa mae ri Salomo.

AYUB 29:2

“Dasi-dasi nakkulle kamma ammotere' riolo tallasakku, ri wattungku Najagai Allata'ala.

PAMMUJI 100:4

Antama' mako battu ri pakke'bu' lompona siagang kelong sukkuru', antama' ri balla' luara'na siagang lagu pammuji-muji. Sukkurukko mae ri Ia siagang pujimi!

PAMMUJI 102:10

Angnganrea' limbu'bu' sanrapang roti, je'ne' inungku accampuru' je'ne' mata,

PAMMUJI 115:2

Angngapai bansa-bansaya namusti angkana, “Kemae Allata'alana ke'nanga?”

PAMMUJI 122:1

Kelong siara battu ri Daud. Rannua' ri wattunna nakana taua mae ri nakke, “Umba kimange ri Balla'Na Batara!”

PAMMUJI 122:8

Lanri sikontu bija pammanakangku siagang bela-belaku kukanamo, “Poro salewangangko!”

PAMMUJI 55:14

Mingka ba'lalo ikau, belaku, sahabakku, bela ma'reppesekku a'giling ambalianga'.

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PAMMUJI 79:10

TeaKi' lappassangi bansa maraenga akkuta'nang ri kambe, angkana, “Kemaeji Allata'alana ke'nanga?” Boli'mi kamma naccini' ikambe pa'balasa' mae ri bansa-bansa ambunoai ata-atanTa.

PAMMUJI 80:6

Kisarei ikambe karru' untu' sanrapang kanre, je'ne' mata a'jari sanrapang je'ne' inung.

YESAYA 30:29

Mingka ikau ngaseng, umma'Na Allata'ala, larannuko siagang lakkelongko sangkamma ri wattu bangngi passua'-suarrang agamaya. Larannuko rapang tau a'jappaya nirurungang ri sa'ra suling mange ri Balla'Na Batara ri Yerusalem, mappatojenna Israel.

PIRAUNG 2:19

Ambangungko ma'mole-mole tuntung bangngi untu' akkio' ampasuluki bone atinnu ri Batara. Palaki sollanna Mangngamaseang ri ana'-ana'nu naallea cipuru' takkaluppaya ri tunggala' panyingkulu'na aganga.

PIRAUNG 4:1

Bulaeng accillaka pi'lasa'mi tanja'na batu-batu Balla'Na Allata'ala tassiara'mi ri aganga.

YEHEZKIEL 46:10

Patugasa' pamarentaya musti antamaki ri Balla'Na Batara assiagang ngaseng ra'yaka, siagang punna ammotereki musti siagang ngaseng tongi.

YO"EL 2:17

Suroi sikamma imanga allayani Batara, angngarru' ri alla'na tampa' pakkoro'bangnganga siagang ri tampa' pattiro-tiroang ri dallekanga, na angkana, “Kisayang laloi ummatTa, o Batara; teaKi' lappassangi taunTa nicalla,” sa'genna appiandere' bansa-bansa maraenga siagang angkana, “Kemaeji Allata'alana ke'nanga?”

NAHUM 1:15

Ciniki, nia' sitau suro battu ri moncong-monconga, angngerang kabara' baji', iamintu kabara' pammetang. He bansa Yehuda, pakalompoi allo lomponu siagang bayaraki tinja'nu mae ri Allata'ala. Tenamo nalanijaja pa'rasangannu ri tau ja'dalaka. Le'ba'mi niancuru' taba sikali ke'nanga.

LUKAS 16:25

Mingka appialimi Abraham nakana, ‘U'rangi ana' angkanaya: lalang sikontu tallasa'nu le'ba'mi kau nugappa siagang nukasia' sikontu apa-apa bajika; mingka Lazarus sangnging apa-apa kodia bawang le'ba' nagappa. Kamma-kamma anne nakasia' tommi Lazarus te'nea anrinni, na ikau nukasia' tommi sessaya.

PAOLE 16:11

A'rannu-rannuko ri dallekanNa Karaeng Allata'alanu, ri anjo tampa' le'baka Napattantu, siagang ngaseng ana'-ana'nu, ata-atannu, kammayatompa tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

RUT 1:21

Ri wattungku a'lampa anrinni anggannaki katallassangku, mingka kamma-kamma anne Naeranga' Batara ammotere' tena apa-apangku. Jari tea' mako arengia' pole Naomi, nasaba' le'ba'ma' Nahukkung Batara Kaminang Koasaya siagang jai kapa'risang!”