PAMMUJI 40:6 - KITTA' MATANGKASA'

⁶ O, Batara, tamaka jaina bate paretTa mae ri kambe, o, Batara Allata'alaku, iKatte tena sangkammanTa! Tamaka jaina rancana appakalannasatTa mae ri kambe, tena olona lakkulle nicarita ngaseng.

PAMMUJI 40:6 ပူးပေါင်းရင်းမြစ်များ

AYUB 33:16

Nasuroi Allata'ala taua mappilangngeri; Napata'bangkai taua siagang pappasaile.

AYUB 5:9

Yangaseng bate pare'Na Allata'ala tamaka heba'na; takkulleai nipahang. Gau'-gau' appakalannasa' Napareka, takkulleai nibilang na tena la'busu'na.

PAMMUJI 139:17

Tamaka sukkara'na nipahang pikkiranTa mae ri nakke, o, Allata'ala, siagang tamaka jaina lanirekeng!

PAMMUJI 139:18

Punna kurekeng, jaiangngangi na kassika; punna ambangunga', tuli iKatte kunawa-nawa.

PAMMUJI 50:8

Teai passabakkang koro'bannu naKutuntukko; koro'bang nitununu tuli nia'na ri dallekangKu.

PAMMUJI 51:16

Kilappassanga' battu ri kamateanga, o, Allata'ala Tumappasalamakku, nakurannumo angkabarrangi kaadelanTa.

PAMMUJI 71:15

Sila'busu' alloi lakucarita sikamma gau' adeletTa, na kasalamakkang battua ri Katte nisawalaka nirekeng jaina.

KALAPPASSANG 21:6

musti nierangi ri pinggawana mae ri tampa' ibadaya. Anjoreng musti nisuroi ammenteng siagang ammanjeng anjo ataya ri pakke'buka yareka ri benteng pakke'bu'na tampa' ibadaya, nampa anjo pinggawana musti natintingi tolinna anjo ataya. Nampa la'jarimi anjo ataya salaku ata mae pinggawana sa'genna mate.

YESAYA 1:11

Nakana Batara, “Nukapangi angkana Kungai sikontu anjo passare tulusu' nupassareanga mae ri Nakke? LanreA' mae ri sikamma gimbala' koro'bang nitununu siagang ri jannana sikamma ana' sapinu. Tena Kungai cera' sapi lakia, gimbalaka siagang bembea.

YESAYA 25:1

Batara, iKatte Allata'alaku, kupakala'birikKi' siagang kupuji arenTa. Saba' sikamma bate pa'jariTa tamaka appakalannasa'na; le'ba' Kirancana memangi battu riolo, naKimmajarre' anggaukangi.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

HOSEA 6:6

Kungaiangngangi punna tappakko siagang mangngamaseangko ri Nakke, naia punna attunuko siagang assareko koro'bang mae ri Nakke.

AMOS 5:22

Punna angngerangko koro'bang nitunu siagang koro'bang gandung, tena nalaKutarima. TaeroKa' antarimai anjo olo'-olo'nu co'moka nupassareanga mae ri Nakke salaku koro'bang passiamakkang.

MATIUS 12:7

Nia' tattulisi' lalang ri Kittaka angkanaya: Ia Kukaerokia iamintu pangngamaseang, teai koro'bang olo'-olo'. Ebara' nupahang baji'-baji' anjo bicaraya mattantu tena nupasalai tau tenaya salana.

MATIUS 9:13

Pappilajarimi apa battuanna niaka nipau lalang ri Kittaka angkanaya: ‘Pangngamaseang Kukaeroki, jari teai koro'bang olo'-olo'’. Nasaba' iaji Kunia' battu lanri tu dorakaya ero' battu Kukio', jari teai tu tojenga.”

1 SAMUEL 15:22

Mingka nakanamo Samuel, “Kereanga la'bi Nangai Batara, mappilangngeria yareka koro'bang passarea? La'bi bajikangangi mappilangngeria mae ri Batara, naia assarea koro'bang. Mannurukia bajikangngi na jannana gimbalaka.