PAMMUJI 39:13 - KITTA' MATANGKASA'

¹³ Kipilangngeri pappala' doangku, o, Batara, Kiparhatikangi pappalakku; teaKi' ammantangngi a'mereki punna angngarruka'. Sangkamma sikontu boe-boeku, sinampe'ja' bawang annumpang ri Katte.

PAMMUJI 39:13 ပူးပေါင်းရင်းမြစ်များ

PA'JARIANG 42:36

Nakanamo manggena ke'nanga, “Ikau ngasemmi a'jari passabakkang natappela' ngaseng anakku. Yusuf tenami. Simeon tena tommi. Nampa kamma-kamma anne lanualle tongi pole Benyamin. Teai sipato' pa'risikku.”

PA'JARIANG 47:9

Appialimi Yakub angkana, “Sibilangngammi antallumpulo taung attallasa' atanta, a'jari tupalampa mange-mange. Punna nipasinrapangi siagang umuru'na boe-boena atanta a'jaria tupalampa mange-mange, anne katallassanna atanta jai kasukkarranna siagang bodoji umuru'na.”

PA'JARIANG 5:24

Lanri tuli sipa'rappunganna siagang baji' Henokh mae ri Allata'ala, allanynya'mi lanri niallei ri Allata'ala.

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

1 PATTOTTORANG 29:15

Kiassengi o Batara, angkanaya sangkamma boe-boena ikambe, ikambe anne pole nijappai anne katallassanga sanrapangki' tubattu-battu bawang. Katallassanna ikambe sanrapanji bayang-bayang allaloa, siagang takkulleai ikambe alliliangi kamateanga.

AYUB 7:19

Angngapapi naKiallei rupanTa battu ri nakke, sollanna akkulle kua'lu' ilorokku?

PAMMUJI 119:19

Poro sinampe'ja' bawang lammantang ri lino, teaKi' cokkoi hukkunTa mae ri nakke.

PAMMUJI 18:7

Makkioka' ri Batara lalang ri kasukkarangku, makkioka' ri Allata'alaku appala' pannulung. Battu ri Balla'na Nalangngereki sa'rangku na Naparhatikang pakkiokku.

KAIMANGNGANG 25:23

Takkulleai nubalukang tampa'nu untu' situlina, nasaba' anjo tampaka teai ikau pata, passangalinna Allata'ala pata. Ikau poro sanrapang jako tau battu-battu, nisarea ising untu' ampakei anjo tampaka.