PAMMUJI 38:6 - KITTA' MATANGKASA'

⁶ A'nanai bokka'-bokkakku siagang a'rasa bottoki, lanri dongo'na panggaukangku.

PAMMUJI 38:6 ပူးပေါင်းရင်းမြစ်များ

AYUB 30:28

Pitilampa-lampaima' lalang ri sassang, tenaya singara'; ammenteng ri dallekanna tau jaia appala' tulung.

AYUB 7:5

Rassi kalengku gallang-gallang siagang rakki' cera'; a'bokka' bukkulengku appasulu' nana.

PAMMUJI 107:17

Nia' dongo' siagang sessa lanri dosa-dosana ke'nanga, siagang nisessai lanri kasalanna ke'nanga.

PAMMUJI 145:14

Natulungi Batara tau lalanga ri kasusaanga, Napaentengi tau ta'dundua.

PAMMUJI 31:10

Kikamaseanga', o, Batara, saba' niakka' lalang kasusaang; paccemi matangku napakamma angngarru', ta'ronammi nyawaku siagang batangkalengku.

PAMMUJI 35:14

sanrapang tau ampappala' doangangi sari'battanna yareka ampappala' doangangi bela baji'na. Andundua', angkarruki ke'nanga, sanrapang tukamateanga' ri amma' kalengku.

PAMMUJI 42:5

Punna kuu'rangi wattu riolo si'nai pa'maikku, ri wattungku mange ri Balla'Na Batara ri Yerusalem siagang tau jaia appare' passua'-suarrang. A'jappa' ri dallekanna barisang tau jaia akkio' rannu akkelong lagu pammuji.

PAMMUJI 42:9

Poro Napappicinikang lalo pangngamaseanNa Batara ri wattu allo sollanna kukkulle akkelong ri wattu bangngi appala' doang ri Allata'ala kabattuanna tallasakku.

PAMMUJI 43:2

IKattemi Allata'ala, pa'la'langangku; angngapa Kibokoia? Angngapa kumusti tulusu' pa'risi' lanri nijallakkang ri musu-musungku?

PAMMUJI 57:6

O, Allata'ala, Kipappicinikangi kalompoanTa ri langi', siagang kala'biranTa ri sikontu linoa.

PAMMUJI 6:6

Saba' lalang ri lino kamateang taniu'rangia maKi'; tenamo tau mammuji ri Katte lalang linona tu matea.

PAMMUJI 88:9

Kipakabella ngasengi sikontu passiassengangku battu ri Nakke, Kipa'jari tau appakaringikka' mae ri ke'nanga. Takkurunga' siagang takkullea' assulu',

YESAYA 38:14

Sa'rangku pila' ca'dimi na pila' lamma, rapang jangang-jangang bodobangkeng akkunrareng. Mangngammi matangku acconga nai' ri langi', Batara, Kilappassanga' battu ri anne kasusaanga.