PAMMUJI 37:40 - KITTA' MATANGKASA'

⁴⁰ Natulungi siagang Napasalamaki ke'nanga, Nalappassangi ke'nanga battu ri tu ja'dalaka, saba' a'la'langi ke'nanga mae ri Ia.

PAMMUJI 37:40 ပူးပေါင်းရင်းမြစ်များ

1 PATTOTTORANG 5:20

Anjo tantaraya tappaki ri Allata'ala siagang appala' tulungi mae ri Ia, naniturukiang pappala'na ke'nanga iamintu nisarei pammetang ke'nanga mae ri anjo tu Hagri siagang agang-aganna.

PAMMUJI 17:13

Ammenteng maKi', o, Batara ewai musungku siagang naKibeta ke'nanga. Kipasalamakka' siagang pa'danTa battu ri pa'bakkana tau ja'dalaka.

PAMMUJI 27:2

Punna nibakkaia' ri tu ja'dala' eroka ambunoa', ke'nanga latatto'ro na tu'guru'.

PAMMUJI 34:20

Jai pa'risi'na tu bajika, mingka nilappassangi ri Batara battu ri yangasenna anjo.

PANGNGEBARANG 20:22

Teako balasaki kaja'dallanga siagang kaja'dallang; tappakko ri Batara, Iami lantulungko.

YESAYA 31:5

Rapang sikayu jangang-jangang takkape'-kape' ka'nyi'na irate ri rumunna untu' anjagai ana'-ana'na, kamma tomminjo iNakke, Batara Kaminang Makoasaya, laKujagai siagang laKuallei kammayatompa Kupasalama' Yerusalem.”

YESAYA 46:4

INakke tuli Allata'alanu sa'gennu toa; siagang tuli anjagaiko sa'genna kebo' uu'nu. INakke ampa'jariko siagang tuli amparakaiko, laKutulungko siagang laKupasalamakko.

DANIEL 3:17

Punna akkulle Allata'ala nasombaya ikambe ampasalamaki ikambe battu ri anjo pepe' a'rinra-rinraya siagang battu ri kakoasanna karaengku, mattantu Nagaukangi.

DANIEL 3:28

Nampa nakanamo karaenga, “Pujimi Allata'ala nasombaya Sadrakh, Mesakh siagang Abednego. Iami le'ba' assuroi malaeka'Na untu' ampasalamaki tallua atanNa matappaka mae ri Ia. Le'baki nadakkai ke'nanga parentaku siagang erokangngangi matea ke'nanga kala anynyombaya yareka appakalompo ri rewata maraeng, pantaranganna Allata'alana todong ke'nanga.

DANIEL 6:23

Allata'alana atanta Nasuroi battu malaeka'Na untu' antongkoki bawana anjo singa-singaya sa'genna tena naapa-apai atanta. Allata'ala ampasalamaki atanta nasaba' Naassengi angkanaya tena kasalang nagaukang atanta mae ri Ia siagang mae ri katte karaeng.”

1 YOHANES 5:18

Niassengi angkanaya sikontu tau a'jariamo ana'-ana'Na Allata'ala, tenamo natuli a'gau' dosa ija; nasaba' nijagai ri Ana'Na Allata'ala siagang takkulleami I Ja'dala' a'gau' apa-apa mae ri ia.