PAMMUJI 37:34 - KITTA' MATANGKASA'

³⁴ Manrannuangko ri Batara siagang turuki parentaNa, na Naangkakko untu' a'jari warisi' ri anjo buttaya; lanuciniki nipa'lanynya' tu ja'dalaka.

PAMMUJI 37:34 ပူးပေါင်းရင်းမြစ်များ

AYUB 17:9

Tau bajika siagang tau tenaya salana, pila' tappa'mi angkana ningai ri Allata'ala batena attallasa' ke'nanga.

PAMMUJI 112:8

Tena nalussa' yareka malla', lanri tappaki angkana lanibetai musunna.

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

PAMMUJI 25:13

Tuli lasukkuki ke'nanga lalang tallasa'na, lanawarisiki ana' cucunna ke'nanga tana pisakaya,

PAMMUJI 27:14

Manrannuangko mae ri Batara, gassingi siagang pakajarreki pa'mai'nu; manrannuangko mae ri Batara!

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

PAMMUJI 37:9

Saba' lanipa'lanynyaki tau a'gau' ja'dalaka, mingka tu manrannuanga ri Batara lanawarisiki anjo buttaya.

PAMMUJI 91:8

Punna accinikko mae ri tammulilinu, nuciniki tau ja'dalaka anggappa pa'balasa'.

PAMMUJI 92:12

Kuciniki nibetana musu-musungku, sikamma tau ammentenga untu' ambalianga', kulangngere'mi rancana-rancana ja'dala'na ke'nanga.

PANGNGEBARANG 16:17

Tau bajika napakabellai kalenna battu ri kaja'dallanga; tau amparhatikangai batena attallasa', najagai kalenna.

PANGNGEBARANG 20:22

Teako balasaki kaja'dallanga siagang kaja'dallang; tappakko ri Batara, Iami lantulungko.

PANGNGEBARANG 29:16

Punna tau ja'dalaka koasa, pila' katambangi gau' salaya. Mingka lanaciniki tau lambusuka kapanrakanna tau ja'dalaka.

YESAYA 57:13

Punna ammarrangko, lappassammi na napasalamakko anjo patung-patunga! Latappelaki ke'nanga niri'bakang ri anging siagang lalanynyaki lalang sipa'maikang nappasa' bawang! Mingka tau a'la'langa mae ri Nakke lanawarisiki anjo pa'rasanganga siagang anynyomba mae ri Nakke ri BallakKu.”

MATIUS 24:13

Mingka inai-nai attahang sa'genna kala'busang tallasa'na, iami lanipasalama'.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

PAOLE 5:33

Gaukangi sikontu Napassuroanga Karaeng Allata'alanu mae ri kau, sollannu salewangang siagang akkulle ammantang tuli ri pa'rasangang lanupammantangia.”

1 PETRUS 1:7

Matu-matunna ngaseng anjo iamintu sollanna akkulle a'butti katappakkang tojeng-tojennu mae ri Batara yareka tena. Manna bulaeng akkullea panra' niuji tonji siagang pepe'. Jari, anjo katappakkannu la'bi lompoangangi anggaranna na bulaenga; jari musti niuji tongi sollanna a'jari jarre'. Siagang lanri kammana, lanipuji mako siagang lanipakala'biri' mako, kammayatompa lanipakatinggi mako sallang ri allo kabattuanNa ammotere' Isa Almasi.

1 PETRUS 5:6

Lanri kammana, pakatunai kalennu irawangang lino magassinNa Allata'ala. Sollanna Napakatinggiko sallang punna narapi' wattunna.