PAMMUJI 37:32 - KITTA' MATANGKASA'

³² Tu bajika niodoki ri tu ja'dalaka a'boyai kasampatang untu' ambunoi.

PAMMUJI 37:32 ပူးပေါင်းရင်းမြစ်များ

PA'JARIANG 39:16

Nampa naboli' bainenna Potifar anjo jubaya sa'genna ammotere' bura'nenna.

2 KARAENG-KARAENG 6:13

Naparentakammi karaenga angkana, “Salidiki angkana kemae pammantanganna, sollanna akkulle kujakkala'.” Nipauammi ri taua angkana niaki Elisa ri Dotan.

PAMMUJI 37:12

Tu ja'dalaka a'rancanai kaja'dallang mae ri tu bajika, na birisi' ke'nanga anciniki.

PAMMUJI 56:7

A'rappungammi ke'nanga ri tampa' taccokkoa, anjannangngi sikontu panggaukangku, siagang a'boya kasampatang untu' ambunoa'.

PANGNGEBARANG 24:15

Teako sangkammai tau ja'dalaka, assikongkoloki untu' angngellaki tau lambusuka siagang anrampasaki balla'na.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

YEREMIA 18:23

Mingka iKatte, o Batara, Kiassengi sikontu apa narancanakanga ke'nanga untu' angngallei nyawaku. Lanri kammana anjo, teaKi' pammopporangngi ke'nanga; teaKi' lu'luki kasalanna ke'nanga. Kitunrungi ke'nanga sa'genna tu'guru'. Angngalle maKi' tindakang mae ri ke'nanga lanri larroTa.”

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

DANIEL 6:5

Mingka sikamma guburnurka siagang anjo pangawasaka napa'boyammi kasalang Daniel lalang ri pamarentahanga; mingka takkulleai ke'nanga, lanri majarre'na siagang lambusu'na Daniel, kammayatompa tena kasalang nagaukang siagang tena nabawang-bawangngangi jama-jamanna.

LUKAS 11:54

Nalalang kammana anjo napilangngeri baji'-baji'mi ke'nanga sollanna akkulle najakkala' kananNa Isa punna sala bicarai.

LUKAS 14:1

Ri se'reang allo Pammari-mariang, a'lampai Isa angnganre ri balla'na se'reang tu Farisi. BattuNa Isa mange anjoreng, nicini'-ciniki tojemmi ri taua.

LUKAS 20:20

Jari a'boyami ke'nanga kasampatang baji'. Nia'mo se're tau nagaji ke'nanga sollanna assara-sarai a'jari tau lambusu' pa'mai', nampa nasuro anjo taua mange akkuta'nang siagang ampa'boyangi kasalang Isa. Napa'boyangi kasalang Isa, sollanna akkulle ke'nanga a'jamma' mae ri kakoasanna guburnurka, nanijakkala' Isa.

LUKAS 6:7

Nia' siapa are guru-guru agama siagang tu Farisi ero' amboyangi kasalang Isa, sollanna akkulle nituntu' Isa. Jari nacinikimi ke'nanga, maka laNaballei Isa anjo taua ri allo Pammari-marianga.

LAMPA-LAMPANA 9:24

Mingka naassemmi Saulus anjo apa eroka nagaukang ke'nanga. Allo bangngimi ke'nanga attayang ri pakke'bu' lompona kotaya, ero' ambunoi Saulus.

1 SAMUEL 19:10

Nampa nausahakammo Saul ampatintingi pokena ri kalenna Daud ia niaka ri ampi'na rinringa. Mingka a'lili Daud, sa'genna tattinting anjo pokea ri rinringa. Larimi Daud untu' ampasalamaki kalenna.

1 SAMUEL 23:14

Le'baki anjo ammantammi Daud ri kali'bong-kalibong niaka ri monconga, ri parang lompona Zif. Tuli niondang mange-mangemi ri Saul, mingka tanipassareangai mae ri anjo karaenga.