PAMMUJI 37:3 - KITTA' MATANGKASA'

³ Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

PAMMUJI 37:3 ပူးပေါင်းရင်းမြစ်များ

PA'JARIANG 26:2

Nagaukammi anjo kammaya, lanri le'ba'na Napappicinikang KalenNa Batara ri ia naNakana, “Teako a'lampai mange ri Mesir, mingka ammantang mako anrinni ri anne pa'rasanganga, situru' Kuparentakanga ri kau.

PA'JARIANG 26:3

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

1 KARAENG-KARAENG 19:6

Nacinikimi Elia tammulilina, nampa nia'mo nacini' ri ampi' ulunna sibatu roti nitunu siagang je'ne' lalang ri botolo'. Angnganremi siagang angnginummi, nampa attinro poleang.

PAMMUJI 26:1

Pammujina Daud. Kisarea' kaadelang, o, Batara, saba' lambusu' pa'maika' lalang tallasakku. Manrannuanga' mae ri Batara, Tena kuranggasela manna sike'de'.

PAMMUJI 33:19

Napasalamaki ke'nanga battu ri kamateanga, na Natallassi ke'nanga ri wattu kacipuranga.

PAMMUJI 4:5

Annekere' mako lanri malla' na tea' mako dorakai pole. Ma'merekko annawa-nawai, ri wattu anra'banu ri katinroang.

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PANGNGEBARANG 3:5

Tappakko mae ri Batara sibatu pa'mai', siagang teako na pammahannu bawang nurannuang.

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

LUKAS 22:35

Le'baki anjo Nakanamo Isa ri ke'nanga, “Pirangalloang, ri wattunnu Kusuro a'lampa, tena Kukellaiko angngerang pammoneang doe', kocikang yareka sapatu. Apaka kakurangangko anjo wattua?” Appialimi ke'nanga angkana, “Tena!”

PAOLE 30:20

Mangngamaseangko mae ri Karaeng Allata'alanu, mannurukiko mae ri Ia, siagang majarre' pa'maikko mae ri Ia. Na ikau siagang jari-jarinu lattallasakko siagang lala'bui umuru'nu ri pa'rasangang Napa'janjianga Batara mae ri boe-boenu iamintu Abraham, Ishak siagang Yakub.”

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.