PAMMUJI 37:20 - KITTA' MATANGKASA'

²⁰ Mingka tu ja'dalaka lapossoki, musunNa Batara lalanynyaki sanrapang bunga ri paranga, lalanynyaki ke'nanga lalang umbua.

PAMMUJI 37:20 ပူးပေါင်းရင်းမြစ်များ

PA'JARIANG 19:28

Accini'mi mae ri Sodom siagang Gomora kammayatompa ri sikontu lapparaka, nanacini'mo umbua nai' battu ri anjo tampaka, sangkamma umbu battu ri pappalluang sannaka lompona.

PAMMUJI 102:3

TeaKi' allei rupanTa battu ri nakke punna niaka' lalang kasusaang. Kipilangngeria' punna akkioka', siagang Kipialia' linta'.

PAMMUJI 68:2

Ammentemmi Allata'ala ampasisa'la'-sa'laki musunNa, tau birisika ri Ia larimi battu ri dallekanNa.

PAMMUJI 68:3

Nibongkai ke'nanga a'lampa ri Allata'ala, sanrapang umbu nituika ri anging nampa lanynya'. Sanrapang liling assolong lalang pepe', kammaminjo lanynya'na tau ja'dalaka battu ri dallekanNa Allata'ala.

PAMMUJI 92:9

saba' iKatte, o Batara, koasaKi' satunggu-tungguna.

PANGNGEBARANG 2:22

Mingka tau ja'dalaka siagang tau dorakaya lanipasambilai assulu' ri Allata'ala battu ri anjo pa'rasanganga, sanrapang ruku' nibi'buka battu ri buttaya.

KAIMANGNGANG 3:16

Imang tugasaka musti natunu ngasengi anjo sikammaya irate ri tampa' pakkoro'bangnganga. Rasanna anjo koro'bang nikanrea lanapakasannangi nyawaNa Batara. Sikontu jannana anjo olo'-oloka untu' Batara ngaseng.

LUKAS 13:3

Tena sikali! Mingka u'rangi, angkanaya: punna tena nutoba' battu ri dosa-dosanu, lamate kamma ngaseng tongko anjo ke'nanga.

LUKAS 13:5

Tena sikali! Sikalipi pole Kupauangko angkanaya: Punna tena nutoba' battu ri dosa-dosanu, lamate kamma ngaseng tongko anjo ke'nanga.”

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

IBRANI 12:29

Nasaba' anjo Allata'alata sanrapangi pepe' appakamutunga.

2 PETRUS 2:12

Mingka anjo guru-guru takontutojenga, teai sipato'! Sanrapang mami ke'nanga olo'-olo' nianakkanga untu' lanijakkala' siagang lanibunoa bawang. Tappikkirai ke'nanga, passangalinna kaerokang nyawanaji naturukiang. Sa'genna napakkanaimo ke'nanga apa-apa tanapahanga siagang kana-kana pahinaya. Lanri kammana, laposso' tommi ke'nanga sanrapang olo'-olo' sekkeka, passabakkang panggaukanna tonji ke'nanga.

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.