PAMMUJI 37:15 - KITTA' MATANGKASA'

¹⁵ Mingka tu ja'dalaka lanicokai ri pa'dang kalenna, lanitepoki anrong panana ke'nanga.

PAMMUJI 37:15 ပူးပေါင်းရင်းမြစ်များ

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

ESTER 9:16

Sikamma tu Yahudi ammantanga ri propinsi-propinsia asse're tommi untu' anjagai kalenna. Nabetami musunna ke'nanga siagang nia' 75.000 tau birisika ri ke'nanga nabuno. Mingka tena nagaukangi ke'nanga angngellaka.

ESTER 9:22

Nasaba' ri wattu iaminjo alloa nanabeta musu-musunna ke'nanga, sa'genna anjo si'nana siagang paccena ke'nanga amminrami a'jari karannuang siagang kasungguang. Lanri kammanami anjo namusti napakalompo ke'nanga anjo allo-alloa, iamintu assua'-suara', appare' parjamuang, kammayatompa massing sisarei ke'nanga kanre-kanreang siagang assarei ke'nanga passidakka ri tu kasi-asia.

PAMMUJI 34:22

Tu ja'dalaka lamatei lanri kaja'dallanna, tu birisika mae ri tu bajika lanihukkungi.

PAMMUJI 35:8

Boli'mi kamma ke'nanga nituju ri posso' tena nasanna-sannai ke'nanga. Boli'mi kamma nijakkala' ke'nanga ri sikko' napareka kalenna nampa tu'guru' na posso'.

PAMMUJI 46:10

Napammari pa'bundukanga ri sikontu linoa, anrong panaya siagang pokea Naancuruki, pa'lapa' a'bundalaka untu' batangkalea Natunui.

PAMMUJI 46:9

Umba, ciniki apa le'baka Nagaukang Batara; tamaka lompona bate pare'Na ri lino!

YESAYA 37:38

Ri se'reang allo, ri wattunna sitabang nagaukang ibadana lalang ri balla' rewata Nisrokh, nibunomi siagang pa'dang ri Adramelekh siagang Sarezer, rua ana' bura'ne kalenna. Le'baki anjo larimi ke'nanga mange ri Ararat. Jari nisambeammi a'jari karaeng ri ana' bura'nena maraenga, niarenga Esarhadon.

YEREMIA 51:56

Battui ke'nanga untu' ampanraki Babel, anjakkalaki tantara-tantarana siagang antepoki sanjatana ke'nanga. INakkemi Batara anghukkungi ke'nanga kaja'dallanna, siagang Babel laKubalasaki situru' siagang panggaukanna.

HOSEA 1:5

Anjo wattua ri Ka'bung Yizreel laKuancuruki kagassinganna tantarana Israel.”

HOSEA 2:18

Anjo wattua lapparekKa' parjanjiang siagang sikontu rupanna olo'-oloka, sollanna tanaganggua ke'nanga ummakKu. LaKupammari sikontu pa'bundukanga siagang Kupabella ngasengi sikontu pakkakasa' pa'bundukanga battu ri pa'rasanganna ummakKu, naKupakasannang siagang Kupakaamang tallasa'na ke'nanga.

MIKHA 5:6

Tu Israel niaka ija tassesa la'jari rapang saliu' dinging battu ri Batara untu' jaia bansa, siagang rapang turunna bosia mae ri lamung-lamunga. Latanjengi ke'nanga mae ri Allata'ala, teai mae ri rupataua.

1 SAMUEL 2:4

Tepo'mi panana turewaya, mingka pila' kassa'mi tau lammaya.

1 SAMUEL 31:4

Nakanamo Saul mae ri turungka paerang sanjatana, “Bi'bu'mi antu pa'dannu nampa nutoboka', sollanna tena napare' karek-karenanga' siagang nibunoa' ri anjo tau tenaya naassengi Batara.” Mingka taerokai anjo turungkaya antoboki, lanri sannaki napakala'biri'na Saul. Lanri kammana anjo naallemi kalenna Saul anjo pa'danga nampa napara'ba kalenna naung ri matanna anjo pa'danga.