PAMMUJI 37:10 - KITTA' MATANGKASA'

¹⁰ Tau ja'dalaka lanipa'lanynyaki linta', taenami, punna niboyai.

PAMMUJI 37:10 ပူးပေါင်းရင်းမြစ်များ

2 KARAENG-KARAENG 9:25

Nakanamo Yehu ri Bidkar iamintu pambantuna, “Apaka nuu'rangi iji ri wattunta a'dongko' jarang ampinawangi Ahab, manggena Yoram? Anjo wattua Nakana Batara ri Ahab, ‘Kuassengi angkanaya inai ambunoi Ahab siagang sikontu ana'na subangngi, naKua'janji angkanaya laKuhukkungko anrinni todong ri kokoa anne.’ ” Nampa nakanamo pole Yehu mae ri anjo pambantuna, “Pasambilai anjo maya'na Yoram antama' ri kokonna Nabot, sollanna a'rupa hukkunganNa Allata'ala mae ri kalenna.”

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

AYUB 14:10

Mingka punna mate rupataua, la'busu'mi riwaya'na; nabokoimi linoa, nampa kemae lampana?

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

AYUB 24:24

Poro sinampe'ji tallasa' mate'ne, mingka ri boko a'lampami untu' satunggu-tungguna. Kalumengi rapang ruku' tenaya matu-matunna; rapang bulere' ase nikere' battu ri batanna.

AYUB 7:21

Tenaka naKikkulle ampamopporangi dosaku? Tenaka oloTa ampamopporangi salangku? Sinampe' mami nakunra'bamo lalang ri kuburanga, na punna Kiboya' sallang, tenamo naKigappa'.”

PAMMUJI 103:16

lanynya'mi punna niiri' ri anging, manna tampa'na tena tommo naniassengi.

PAMMUJI 49:10

sollanna akkulle a'lili battu ri kamateanga nakkulle attallasa' satunggu-tungguna.

PAMMUJI 52:5

Ikau la'bi nungaiangngangi kaja'dallanga na kabajikanga, nungaiangngangi a'balle-ballea nakkana tojenga.

PANGNGEBARANG 14:11

Balla' tau bajika tuli jarreki; balla' tau ja'dalaka larumbangi.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.