PAMMUJI 35:8 - KITTA' MATANGKASA'

⁸ Boli'mi kamma ke'nanga nituju ri posso' tena nasanna-sannai ke'nanga. Boli'mi kamma nijakkala' ke'nanga ri sikko' napareka kalenna nampa tu'guru' na posso'.

PAMMUJI 35:8 ပူးပေါင်းရင်းမြစ်များ

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

PAMMUJI 57:6

O, Allata'ala, Kipappicinikangi kalompoanTa ri langi', siagang kala'biranTa ri sikontu linoa.

PAMMUJI 64:7

A'rancanai ke'nanga kaja'dallang, siagang nakana, “Appareki ikambe rancana sannaka porena”. Sanna' lantanna atinna siagang pa'mai'na rupataua, takkulleai nitappu.

PAMMUJI 9:15

sollangku mammuji ri Katte ri dallekanna pandudu' Yerusalem. Lakkio'-kiokka' ma'rannu-rannu lanri Kipasalamakka'.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

YESAYA 47:11

Mingka lanatujuko bala, takkulleai baca-bacanu ampalili. Lanibattuiko ri bahaya, takkulleako ampasalai. Ti'ring labattui kapanrakanga, tanusanna-sannayai la'bi riolo.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

1 SAMUEL 18:17

Nausahakammi Saul sollanna akkulle nibuno ri tu Filistin lalang ri pa'bundukanga, sollanna teai kalenna ambunoi. Jari ri se'reang allo nakanamo Saul ri Daud, “Merab ana' tulolongku kaminang toaya lakupasiallei siagang ikau, assala' nupappicinikang kabaraniannu lalang ri pa'bundukanga untu' Batara.”