PAMMUJI 35:1 - KITTA' MATANGKASA'

¹ Pammujina Daud. O, Batara, Kiewai tau angngewaya', Kibunduki tau ambundukia'.

PAMMUJI 35:1 ပူးပေါင်းရင်းမြစ်များ

NEHEMIA 4:20

Jari, punna allangngerekko tarompe', karo-karoko a'rappung ri tammulilina ikambe anrinni. Allata'alata la'bundu' untu' ikatte.”

PAMMUJI 119:154

Kipattojenga' ri parkaraku siagang Kilappassanga'; pasalamaka' situru' janjinTa.

PAMMUJI 43:1

Kisarea' kaadelang, o, Allata'ala, Kipattojengi hakku mae ri bansa dorakaya. Kilappassanga' battu ri tu ja'dalaka siagang patipua.

KALAPPASSANG 14:14

KalenNa Batara la'bundu' untu' ikau, na ikau tena apa-apa parallu lanugaukang.”

KALAPPASSANG 14:25

Napassala-salangi rodana karetaya sa'genna takkullea tapputara', sa'genna sanna' susana ke'nanga lamaju. Nakanamo tu Mesirka, “KalenNa Batara a'bundu' untu' tu Israel na nabaliangki'. Umba kilari battu anrinni!”

KALAPPASSANG 23:22

Punna mannurukiko ri ia siagang nugaukang sikontu Kuparentakanga, iNakke la'bundu' angngewai sikontu musunnu.

PANGNGEBARANG 22:23

Saba', laNialleangangi ri Batara ri parkarana ke'nanga, siagang laNaallei nyawana tau anjallakkangai ke'nanga.

PANGNGEBARANG 23:11

Saba', Batara makassaka mangngalleanganga, Iami langngalleangangi ke'nanga lambaliangko.

YESAYA 49:25

Appiali Batara angkana, “Iaminjo lakajariang. Tunitahanna tubarania lanirampasaki ammotere'. Barang narampasa'na tau pallaka lanirampasaki ammotere'. Saba' iNakke KalengKu langngewai musunnu; laKupasalamaki sikamma ana'-ana'nu.

YEREMIA 51:36

Lanri kammana anjo Nakanamo Batara mae ri pandudu'na Yerusalem. “LaKuusahakangi parkaranu siagang Kubalasaki panggaukanna musu-musunnu mae ri kau. LaKupa'jari kalotoroki je'ne'na sikamma timbuseng je'neka siagang sikamma binanga niaka ri Babel.

PIRAUNG 3:58

BattuKi' antulunga' ri kara-karaku o Batara, naKipasalama'mo nyawaku.

MIKHA 7:9

Doraka maki' ri Batara, lanri kammana anjo musti nikasiaki pangngalarroinNa. Mingka tasalloami naNaalleiki' siagang Nasareki' kaadelang. LaNaerangki' assulu' mae ri singaraka; lanikasiaki kalenta angkanaya Ia ampasalamakki'.

LAMPA-LAMPANA 23:9

Kale'bakkanna sanna'mi siricuina ke'nanga. Nia'mo siapa are tu Farisi a'jari guru agamaya ammenteng siagang appa'ngaraya tojeng. Nakanamo ke'nanga, “Situru' panggappana ikambe, anne taua tena salana manna sike'de'! Nasaba' nakulle nia' memang todong roh yareka malaeka' a'bicara mae ri kalenna!”

LAMPA-LAMPANA 5:39

Mingka punna apa-apa battu ri Allata'ala anjo napangngajarranga siagang nagaukanga ke'nanga, ma'nassa takkulleako ambetai ke'nanga. Ba'lalo akkullei a'butti angkanaya nuewai Allata'ala.” Natarimami sidanga anjo pappakainga'na Gamaliel.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

1 SAMUEL 24:15

Batara la'jari haking mae ri katte sipa'rua, ikatte karaeng siagang anne atanta. Tapporo Naparessai anne parkaraya, na Nabantu atanta siagang Napasalama' atanta battu ri karaeng.”