PAMMUJI 34:9 - KITTA' MATANGKASA'

⁹ Kasia'mi kalennu antekamma baji'Na Batara, mate'nei tau ma'la'langa mae ri Ia.

PAMMUJI 34:9 ပူးပေါင်းရင်းမြစ်များ

PA'JARIANG 22:12

Nakanamo Batara tete ri anjo malaekaka, “Teako pa'risi antu anaka yareka teako apa-apai. Kamma-kamma anne Kuassemmi angkanaya nupakalompoA' siagang mannurukiko ri Nakke, nasaba' tena nanutollaki untu' ampassareangi ana' sitau-taunu mae ri Nakke.”

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

PAMMUJI 22:23

Lakucaritai sikamma gautTa mae ri sikamma sari'battangku; lalang ri passirapakkanna ummatTa mammuji-mujia' ri Katte.

PAMMUJI 23:1

Pammujina Daud. Batara sanrapang pakalawaki mae ri kalengku, tena kukakurangang.

PAMMUJI 31:23

Lalang ri kalinguangku kukapangi angkana Napela'ma' Batara battu ri dallekang mala'biri'Na. Mingka Nalangngere'mi pappalakku wattungku akkio' mae ri Ia.

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

ROMA 8:32

Manna ana' KalenNa tena todong Nakadarangi, passangalinna Napassareammi untu' kaparalluanta ngaseng; maka talaNasareaki' sikamma kaparalluanta maraenganga?

FILIPI 4:19

Allata'ala kusombaya, allumpai kakalumanynyanganNa lalang ri Isa Almasi; na Iami lassareang ngasengko sikontu kaparalluannu.