PAMMUJI 34:2 - KITTA' MATANGKASA'

² Erokka' appala' sukkuru' ri Batara lalang sikontu wattua, tena ammariku mammuji-muji mae ri Ia.

PAMMUJI 34:2 ပူးပေါင်းရင်းမြစ်များ

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

PAMMUJI 105:3

Iami Batara Kaminang Matangkasaka; rannu mako saba' Ia ampatangki' sikontu anynyombaya siratang rannu.

PAMMUJI 119:74

Tau mappilangngeria lasannangi pa'mai'na punna nacinikka', lanri manrannuanga' mae ri janjinTa.

PAMMUJI 142:7

Kiparhatikangi pakkiokku, saba' sanna' sessaku. Kipasalamaka' battu ri musu-musungku, saba' teai sipato' kassa'na untu' inakke.

PAMMUJI 44:8

Mingka iKatte ampasalamaki ikambe battu ri balinna ikambe, siagang ambetai tau birisika mae ri kambe.

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

YEREMIA 9:24

Inai ero' lompo pa'mai' ri passabakkang apa-apaya, musti lompo pa'maiki passabakkang naassengKu siagang napahangKu; angkanaya naassengi angkana mangngamaseangA' sa'genna satunggu-tungguna na Kupaenteng hukkunga siagang kaadelanga ri lino. Yangasenna anjo napakasannangi atingKu. INakke, Batara, akkana kamma anjo.”

1 KORINTUS 1:31

Jari, sangkamma tattulisika lalang ri Kittaka, “Inai-nai ero' ampakalompoi pa'mai'na, musti napakalompoi pa'mai'na lanri apa-apa Nagaukanga Batara.”

2 KORINTUS 10:17

Nia' tattulisi' lalang ri Kittaka angkanaya, “Inai-nai ero' angkalompoang pa'maiki apa-apaya, parallui apa-apa le'baka Nagaukang Batara nakalompoang pa'mai'.”