PAMMUJI 34:12 - KITTA' MATANGKASA'

¹² Pilangngerimi, he ikau ana'-anaka ngaseng, kuajarakko mappakala'biri' mae ri Batara.

PAMMUJI 34:12 ပူးပေါင်းရင်းမြစ်များ

PA'JARIANG 49:2

A'rappungangko, e, ikau ana'-ana'na Yakub pilangngeri Israel, manggenu.

AYUB 33:33

Mingka punna tena, a'merekiko siagang pilangngeria', erokka' ampangngajarrangi kacara'dekanga mae ri kau.”

AYUB 7:7

U'rangi, o, Allata'ala, tallasakku poro pa'maikang nappasa'ji; tappelaki kate'neangku, tena sikali bate-batena.

PAMMUJI 21:4

BattuKi' mange ri ia siagang barakka' alla'bi-la'bi, naKipipakei songko' karaeng bulaeng tompo' ulunna.

PAMMUJI 4:6

Passareangi koro'bang mannabaya na tappa' mako ri Batara.

PAMMUJI 91:16

LaKupassukkuki pa'mai'na naKupakala'bu umuru'na, siagang Kupasalamaki.”

PANGNGEBARANG 4:20

Parhatikangi kana-kanangku, na'! Pilangngeri sikamma pappakaingakku.

PANGNGEBARANG 7:24

Lanri kammana anjo, ana'-anaka, pilangngeria'. Parhatikangi sikamma pappakaingakku.

PANGNGEBARANG 9:10

Untu' a'jari cara'de' uru-urua parallu niparhatikang iamintu parallui taua mappakala'biri' siagang malla' mae ri Batara. Punna nuassengi Kaminang Matangkasaka, langgappako pammahang.

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

KATO'BA 2:3

Lanri ero' duduku a'jari tau cara'de', attojeng-tojemma' ero' assannang-sannang, iamintu angnginunga tojeng anggoro' siagang assua'-suaraka tojeng. Kukapangi angkana iami anjo cara kaminang baji' mae ri rupataua untu' angkasiaki nyamanna tallasa'na ri lino sinampeka anne.

KATO'BA 3:13

Bajikangngangi angnganre ngasengki' siagang angnginung kammayatompa nipikasiakki wassele' jama-jamanta. Anjo passareNa ngaseng Allata'ala.

PAOLE 30:20

Mangngamaseangko mae ri Karaeng Allata'alanu, mannurukiko mae ri Ia, siagang majarre' pa'maikko mae ri Ia. Na ikau siagang jari-jarinu lattallasakko siagang lala'bui umuru'nu ri pa'rasangang Napa'janjianga Batara mae ri boe-boenu iamintu Abraham, Ishak siagang Yakub.”

PAOLE 6:2

Paralluko ikau siagang jari-jarinu ampakala'biriki karaeng Allata'alanu lalang sikontu tallasa'nu siagang nuturuki sikontu hukkung kupabattua mae ri kau, sollanna la'bu umuru'nu ri anjo pa'rasanganga. Lanri kammana anjo, pilangngeri

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.