PAMMUJI 33:21 - KITTA' MATANGKASA'

²¹ Ma'rannu-rannuki' lanri Ia na kitappa' ri areng matangkasa'Na.

PAMMUJI 33:21 ပူးပေါင်းရင်းမြစ်များ

1 PATTOTTORANG 16:10

Iami Batara tenaya ruanna; ma'rannu-rannuki', nasaba' ikattemi taunNa; sikontu anynyombaya ri Ia ma'reja-rejako.

1 PATTOTTORANG 16:35

Akkana mako, “O Allata'ala, Mappasalamaka ikambe, pasalamaki ikambe battu koasana bansa-bansaya na Kipa'rappungang ammotere' ikambe sollanna akkulle appala' sukkuru' ikambe siagang mammuji ri areng matangkasatTa!”

PAMMUJI 13:5

TeaKi' lappassangi musungku angkana angkanaya nabetama' ke'nanga. TeaKi' lappassangi ke'nanga anggoraia'.

PAMMUJI 28:7

Batara pa'la'langangku siagang Tumappatojengku, tappaka' mae ri Ia. Natulunga' siagang Napakarannui pa'maikku, mammujia' mae ri Ia siagang lagu sukkuru'.

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

ZAKHARIA 10:7

Umma' Israel la'jari sangkamma tubarani makassaka, rapang tau angnginunga anggoro' larannui pa'mai'na ke'nanga. Jari-jarina ke'nanga battu ri jammanga mae ri jammang poleanga talanakaluppaiyai anne pammetang Kupassareanga. La'rannu-rannui ke'nanga lanri apa Kugaukanga mae ri ke'nanga.

YOHANES 16:22

Kamma tomminjo ri kau ngaseng: kamma-kamma anne susai nyawanu, mingka lasibuntulu' poleang jaki' sallang, jari la'jari rannumi nyawanu. Na tenanniakka tau lakkulle angngallei anjo karannuanga battu ri nyawanu.

PAPPICINI' 4:8

Anjo appaka anu attallasa', massing nia' annang ka'nyi'na; siagang rassi ngasengi mata ri tammulilina kalenna siagang ilalanganna kalenna. Allo bangngi anjo anu attallasaka tena nale'ba' ammari akkelonga tojeng, angkana, “Matangkasa', matangkasa', matangkasaki Batara, Allata'ala Kaminang Koasaya; Ia niaka ri pakaramulanna, ri kamma-kammaya anne, sa'genna satunggu-tungguna.”