PAMMUJI 33:2 - KITTA' MATANGKASA'

² Appala' sukkurukko mae ri Batara siagang kacapi, akkelongko mae ri Ia nirurungang ri sa'ra musi'.

PAMMUJI 33:2 ပူးပေါင်းရင်းမြစ်များ

2 SAMUEL 6:5

Daud siagang sikontu bansa Israel a'jappa ri dallekanna anjo Pattia a'joge'-joge' sipagassing-gassinna tojeng siagang akkelong-kelong untu' ampakala'biriki Batara. Akkarena kacaping, gambusu', rabana, rincing-rincing siagang kasidai ke'nanga.

1 PATTOTTORANG 15:16

Nasuro tommi Daud sikamma anjo pamimpinna tu Lewi sollanna nasuro siapa are jaina tau battu ri sukuna ke'nanga untu' akkelong siagang akkarena lalang kelong-kelong karannuang siagang kacapi na simbala'.

1 PATTOTTORANG 15:28

Sikontu umma' Israel a'lampa ngasengi anrurungangi anjo Patti Parjanjianga sa'genna ri Yerusalem, ma'rannu-rannu, sa'ra tarompe', napiri, simbala', kammayatompa sa'ra kacapi.

1 PATTOTTORANG 25:3

Annanga ana' bura'nena Yedutun iamintu: Gedalya, Zeri, Yesaya, Simei, Hasabya, siagang Matica. Nipimpingi ke'nanga ri manggena untu' ampabattui pappasanNa Allata'ala nirurungang ri musi' kacapi, siagang akkelong-kelong ammuji kammayatompa appala' sukkuru' ri Batara.

1 PATTOTTORANG 25:6

Yangasenna anjo ana'na Heman akkarena musi' simbala', kacapi, siagang gambusu' nipimping ri manggena ke'nanga untu' anrurungangi pa'gaukang sambayanga ri Balla'Na Batara. Asaf, Yedutun, siagang Heman anggappai tugasa' situru' pitunju' battu ri karaenga.

PAMMUJI 144:9

Lakkelonga' kelong beru mae ri Katte, o, Allata'ala, kuko'bi' kacapia nampa akkelonga'.

PAMMUJI 149:3

Pujimi arenNa nu'joge'-joge', pujimi siagang kacapi na rabana!

PAMMUJI 71:22

Erokka' mammuji mae ri Katte siagang gambusu', saba' tamamminrayaKi', o, Allata'alaku. Erokka' akkelong lagu pammuji mae ri Katte siagang kacapi, o, Allata'alana Israel matangkasaka.

PAMMUJI 92:3

angkabarrangi pangngamaseanTa ri wattu bari'basa', siagang nyawa tamamminraTa ri wattu bangngi,

PAMMUJI 92:4

angngo'bi' gitar sampuloa otere'na, nirurungang ri gambusu' siagang kacapi.

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

PAPPICINI' 14:2

Nampa nia' kulangngere' sa'ra battu rate ri langika ammarrung sangkamma sa'ra je'ne' tu'guru' lompoa siagang sangkamma gunturu' a'gamarrung lompoa. Anjo sa'raya sangkamma nilangngere' sa'ra kacapi niko'bika ri pakarena kacapia.

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.