PAMMUJI 33:11 - KITTA' MATANGKASA'

¹¹ Mingka rancanaNa Batara tuli attahanna, majarreki apa le'baka Narancang sila'busu'na jammanga.

PAMMUJI 33:11 ပူးပေါင်းရင်းမြစ်များ

2 KARAENG-KARAENG 19:25

Tenapaka nale'ba' nulangngere' angkanaya yangasenna anjo kajariang kammaya iNakke le'ba' anrancanakangi battu riolo memang? Nampa kamma-kamma anne iNakke anggaukangi. INakkemi assareko koasa untu' angngancuruki kota-kota niaka pattahanganna sa'genna a'jari kamma loro.

AYUB 23:13

Anjo Allata'ala tena pamminraNa; tena akkulle angngewai. Nagaukangi apa Nakaerokia.

PAMMUJI 92:5

Saba' panggaukanTa napakarannui pa'maikku, makkelong rannua' lanri bate paretTa.

PANGNGEBARANG 19:21

Rupataua jai rancanana, mingka kaputusanNa bawang Batara a'jari.

KATO'BA 3:14

Kuassengi angkanaya sikontu bate pare'Na Allata'ala, latuli nia'na satunggu-tungguna. Takkulleai rupataua antambai yareka angkurangngi. Siagang nakamma anjo gau'Na Allata'ala, sollanta malla' mae ri Ia.

YESAYA 14:24

Assumpai Batara Kaminang Makoasaya angkana: “Ia le'baka Kurancanakang mattantu lakajariangi.

YESAYA 14:27

Le'ba'mi Natappuki Batara Kaminang Makoasaya untu' laNagaukang kammaya anjo. LaNapajonjoi limanNa untu' assare hukkungang, siagang tena manna sitau akkulle ampisangkai.

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

YEREMIA 29:11

Sai iNakke KalengKu angngassengi rancana-rancanaKu mae ri kau ngaseng? Anjo rancana-rancanaya tena nalanaerangko mae ri kapanrakanga, mingka untu' kasalewangannu siagang untu' ansareko panrannuang baji' untu' allo nudallekanga.

PIRAUNG 3:37

Punna tena Nakaerokangi Batara apa-apaya mattantu tenana nakkulle rupataua anggaukangi apa-apaya.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

MIKHA 4:12

Mingka tanaassengai anjo bansa-bansaya angkanaya apa Narancanakang Batara. Tanaassengai kalenna ke'nanga angkanaya nipakkumpuluki ke'nanga untu' nihukkung, rapang gandung nipasse'rea untu' nipatunrung.

LAMPA-LAMPANA 15:18

le'baka Napabattu memang ri jammang riolo.”

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.