PAMMUJI 32:5 - KITTA' MATANGKASA'

⁵ Nampa kumangakuimo dosaku mae ri Katte, tenamo kasalangku kucokkoi. Kutappukimi ri pa'maikku untu' angngakui mae ri Katte, na Kipammopporang ngasemmo sikontu dosaku.

PAMMUJI 32:5 ပူးပေါင်းရင်းမြစ်များ

2 SAMUEL 12:13

Nampa nakanamo Daud ri Natan, “Dorakama' mae ri Batara.” Appialimi Natan angkana, “Le'ba' maki' Napammopporang Batara; jari tena kilamate karaeng.

2 SAMUEL 12:9

Angngapa natena nujampangi parenta-parentaKu? Angngapa nanugaukang anjo kaja'dallang kammaya? Nusuro bunoi Uria lalang pa'bundukang; nulappassangi nibuno ri tu Amon, siagang nualleangi bainenna!

2 SAMUEL 24:10

Mingka ri le'ba'namo nasuro bilang Daud anjo bansaya, naassemmi kalenna sala, nampa nakanamo mae ri Batara, “O, Batara, teai sipato' dorakaku! Kipammopporanga', lanri dongo'na anjo panggaukangku.”

2 SAMUEL 24:17

Naciniki Daud anjo malaeka' ambunoai taua, nampa nakana mae ri Batara, “Inakke doraka, lanri inakke anggaukangi anjo kasalanga. Mingka apa kasalanna anjo bansaya? Inakkemo hukkung siagang kaluargaku!”

1 KARAENG-KARAENG 8:50

Kipammopporangi sikontu dosana siagang kadorakanna ke'nanga mae ri Katte, siagang Kipa'jari anjo musu-musunna ke'nanga a'gau' baji' mae ri ke'nanga.

2 PATTOTTORANG 6:29

poro Kipilangngeri laloi pappala' doanna ke'nanga. Punna nia' battu ri UmmatTa Israel si'na pa'mai'na appala' doang ampatarai limanna mae ri anne BallatTa,

EZRA 10:11

Lanri kammana, akuimi sikamma dosanu ri Allata'ala, ia nasombaya boe-boeta, nampa nugaukang apa appakasannanga ri pa'mai'Na. Pakabellai kalennu battu ri bansa maraeng niaka ammantang ri pa'rasanganta siagang bongkai anjo sikamma bainennu battua ri bansa maraenga.”

AYUB 31:33

Tau maraenga nacokkoi dosana, mingka inakke tena kule'ba' appakamma anjo ke'nanga.

AYUB 33:27

Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

PAMMUJI 103:12

Antekamma bellana battu raya sa'genna kalau', kammaminjo bellana Napela' dosa-dosata.

PAMMUJI 103:3

Iami ampamopporangi sikontu dosanu, ampamollei sikontu garrinnu,

PAMMUJI 25:16

Cinikia', siagang kamaseanga', saba' Napasalamakka' battu ri bahayaya.

PAMMUJI 25:18

Kiparhatikangi sessaku siagang kasukkarrangku, siagang Kipammopporangi sikontu dosaku.

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 38:18

Punna a'biringa' tu'guru', tulusu' pa'risi'na kusa'ring.

PAMMUJI 38:19

Kumangakui dosa-dosaku; lussaki pa'maikku annawa-nawai kasalangku.

PAMMUJI 51:6

Mae ri Katte, mae ri Katte bawang kudoraka, kugaukang apa Kikanaya ja'dala'. Jari siratang memang tongi punna Kihukkunga', adeleki kaputusanTa.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

PANGNGEBARANG 30:20

Iaminne akkala'na se'rea baine a'bali' ballanga ri bura'nenna: Le'ba'na a'gau' sala, angnganremi nampa nalu'lu' bawana, nampa nakana, “Tena apa-apa kugaukang!”

YESAYA 65:24

Tenapa nappala' ke'nanga, naKuppialimo; tenapa nale'ba' ke'nanga appala' doang naKuturukiammo pappala'na ke'nanga.

YEREMIA 2:23

Barani tojengko angkana tena nupalla', siagang tenale'bakako amminawang ri Rewata Baal! Ciniki gio'-gio'nu ri lappara'na ka'bunga, u'rangi kaja'dallannu siagang akuimi! Rapangko unta gana balereka, piti lari-lari takkulle nilewai,

YEREMIA 2:35

nukana ija kalennu tena nusala, angkanaya tena Kularro mae ri kau. Mingka iNakke, Batara, laKuhukkungko lanri tenana nuero' mangaku angkanaya salako.

YEREMIA 3:13

Akuimi angkanaya salako siagang anjari baliko mae ri Batara, Allata'alanu. Akuimi angkanaya le'baki nupassareang pangngainnu mae ri rewata-rewatana bansa maraenga irawanganna poko'-poko' kayu lompoa, siagang tena numannuruki ri parenta-parentaKu. INakke, Batara, anne a'bicara.”

YEREMIA 31:20

Israel, ikau ana' nisayangKu, ana' Kungaia, bua atingKu. Punna Kuancangko tuli nakkuKa' Kumangngu'rangi ri kau. LaKugaukanga mae ri kau iamintu Kukamaseang sikaliko.

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

KAIMANGNGANG 5:5

Untu' sikamma anjo kasalang kammaya, parallui naakui taua kasalanna.

MALEAKHI 3:8

Kamma-kamma anne akkuta'nanga' mae ri kau: Maka akkullei rupataua antipui Allata'ala? Tantu tena nakkulle. Mingka kamma tonji annipunu. Akkuta'nangko angkana, ‘Antekamma batena annipu ikambe?’ PialingKu: Lalang a'bayara'nu bage sampulo battu ri panggappannu siagang lalang assarenu passare.

LUKAS 16:15

Mingka Nakanamo Isa ri ke'nanga, “Ikau ngaseng mintu bajika ngaseng nicini' ri dallekanna tau maraenga, mingka Naassengi Allata'ala bonena atinnu. Nasaba' apa nacini' tinggia rupataua iami Nacini' tuna Allata'ala.

LUKAS 7:47

Sitojeng-tojenna, lanri lompo kammana pangngamaseanna ri Nakke, na ma'nassamo angkanaya nipammopporammi dosa-dosana sannaka jaina. Punna sike'de'ji nipammopporangangi dosana taua, sike'de' tonji pangngamaseanna.”

EFESUS 4:32

Paralluko baji' ati siagang tuna pa'mai' mae ri massing para ikau; kammayatompa massing sipammopporangko, sangkamma todong Napammopporangko Allata'ala tete ri Almasi.

YOSUA 7:19

Nakanamo Yosua ri Akhan, “Na', mangakuimi siagang paumi silambusu'na anrinni ri dallekanNa Batara, Allata'alana Israel, apa le'baka nugaukang. Pauamma', teako cokkoi.”