PAMMUJI 31:8 - KITTA' MATANGKASA'

⁸ Rannua' na kuma'reja-reja saba' tuli Kikamaseanga'. IKatte anciniki pa'risikku na Kiparhatikang kasusaangku.

PAMMUJI 31:8 ပူးပေါင်းရင်းမြစ်များ

AYUB 16:11

Napassareanga' Allata'ala mae ri tau dorakaya; Natu'guranga' antama' ri limanna tau kodi sipaka.

AYUB 36:16

Napakabebasa' mako Allata'ala battu ri kasukkarang, sa'genna akkulle nukasia' kasannangnganga, siagang rassi mejang pangnganreannu siagang kanre.

PAMMUJI 10:14

Mingka iKatte Kiciniki; Kiparhatikangi kasusaanga siagang kasessanga, na Kituli sadia untu' annulung. Tu tenaya pakkullena napassareangi kalenna mae ri Katte, tuli Kitulungi tu kasi-asia.

PAMMUJI 18:19

Nabakkaia' ke'nanga ri wattu natujuku bala, mingka Batara a'jari pannulungku.

PAMMUJI 4:1

Untu' pamimping pakelonga. Nirurungangi ri kacapi. Pammujina Daud.

PAMMUJI 88:8

Battalaka' nijallakkang ri pangngalarroinTa, ancurukka' nijallakkang ri larroTa.

KALAPPASSANG 2:25

Nacini'mi tu Israel nipa'jari ata, jari Natappukimi untu' laNatulung ke'nanga.

YESAYA 19:4

LaKupassareangi Mesir mae ri se'rea karaeng pallaka ammarenta siagang jekkonga. INakke, Batara Kaminang Makoasaya, anne le'ba' akkana kamma.”

PAOLE 26:7

Nampa akkio'mo ikambe appala' tulung mae ri Katte, Batara, Allata'alana boe-boena ikambe. Kipilangngeri pakkio'na ikambe siagang Kiparhatikammi kasessanna ikambe.

PAOLE 32:30

Kemae lakkulle sitau langngondang tau sisa'bu, siagang rua tau langngondang sampulo sa'bu tau? Batara, Allata'alana ke'nanga, le'ba' ambalukangi ke'nanga, nibokoimi ke'nanga ri Allata'ala malompoa.

1 SAMUEL 17:46

Anne memang alloa naNapassareangko Batara mae ri nakke. Lakubetako, siagang lakusamballei kallonnu nampa kualle ulunnu. Kalennu siagang kalenna ngaseng tantara Filistin lakupassareangi ri jangang-janganga siagang olo'-oloka sollanna nakanrei. Nampa sikontu linoa lanaassemmi angkanaya ikambe bansa Israel nia' Allata'alata nisomba.

1 SAMUEL 24:18

Kaja'dallangku ri kau nubalasaki siagang kabajikang. Anne alloa nupappicinikammi angkanaya bajikko mae ri nakke, nasaba' tena nanubunoa', manna na Napassareamma' Batara mae ri kau.

1 SAMUEL 26:8

Nakanamo Abisai ri Daud, “Napassareammi Allata'ala musunnu anne bangngia mae ri kau. Pa'biamma' nakupokei siagang poke kalenna sa'genna attimbusu' naung ri buttaya, sikalimo bawang kucoka, teami napinruang!”