PAMMUJI 31:13 - KITTA' MATANGKASA'

¹³ Nikaluppaia' sanrapang tu mate, a'jarima' sanrapang barang nipelaka.

PAMMUJI 31:13 ပူးပေါင်းရင်းမြစ်များ

PA'JARIANG 40:23

Mingka anjo pangngurusu' inunganga nakaluppaimi Yusuf. Takkaluppa sikalimi ri Yusuf.

PAMMUJI 101:5

Tau a'mere'-merekia ampitinai paranna tau lakuballassi. Tau tampoa siagang tinggi langgaya tena nalakubalang parekangi.

PAMMUJI 55:10

O, Batara, Kipa'lingu laloi musu-musungku, Kikacoi bicaranna ke'nanga, saba' ri kotaya kuciniki katerassanga siagang passiba'jianga.

PAMMUJI 57:4

Appiali battu ri suruga siagang Napasalamaka'; Nabetai sikamma tau anjallakkangia'. LaNapicinikianga' Allata'ala angkanaya tamamminrayai mae ri nakke, siagang tuli mangngamaseangi mae ri nakke.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

YEREMIA 6:25

Tenamo nabarani ke'nanga naung ri aganga yareka a'lampa mange ri kokoa, lanri kemae-kemaemi musua angngeranga sanjata appania' karicuang siagang pammunoang.

PIRAUNG 2:22

Kikioki musu-musu nakamallakkanga ikambe untu' assua'-suara' ja'dala' ri tammulilina ikambe. Nabuno kabusuki ke'nanga sikontu le'baka naparakai siagang nasayanga ikambe. Ri wattu larroTa, tena manna sitau akkulle lari.

MATIUS 26:59

Sikamma imang-imang kapalaya kammayatompa sikamma haking Pangadelang Agamaya, massing a'boyami sa'bi a'balle-balle, sollanna akkulle nihukkung mate Isa.

MATIUS 27:1

Ri bari'basa' dudua, natappukimi sikontu kapala imanga kammayatompa pamimping-pamimpinna tu Yahudia, angkanaya lanabunoi Isa.

LUKAS 23:5

Mingka pila' nakanamo ke'nanga, “Battu ri pangngajara'Na, naNaajara' sala taua ri sikontu Yudea; appakkaramulai ri Galilea Naajara' sala taua, na kamma-kamma anne anrapi'mi mae anrinni pangngajara' salaNa.”

1 SAMUEL 20:33

Nalangngere'na anjo napasambilami pokena Saul mange ri Yonatan, ero' nabuno. Jari naassemmi Yonatan angkanaya memang ma'nassa ero' tojengi manggena ambunoi Daud.

1 SAMUEL 24:9

Assailemi Saul mae ri boko. Su'ju'mi Daud ampakala'biriki Saul na nakana, “Angngapa nakipilangngeri kananna taua angkana erokka' ancilakaiki' Karaeng?