PAMMUJI 30:6 - KITTA' MATANGKASA'

⁶ Nasaba' sinampe'ji larro Batara, kabajikanNa sa'genna sikontu umurutTa. Ri wattu bangngi nakuangngarru', mingka battui bari'basaka angngerang karannuang.

PAMMUJI 30:6 ပူးပေါင်းရင်းမြစ်များ

PAMMUJI 10:6

Nakana lalang pa'mai'na, “Tena kulasia-sia, na sikontu jari-jariku sangkamma tu tena naja'dala'.”

PAMMUJI 119:117

Kitumpakka' sollangku salama', na tuli kuparhatikang parentaTa.

PAMMUJI 126:6

A'lampai taua appakioro' bine ri kokonna, nampa ammatti' tommo je'ne' matanna. Lammotereki akkelong rannu angngerang erang pole kattoanna.

PAMMUJI 15:5

appappiinranga doe' natena nibungai; tenaya naero' annarima doe' pacoco' untu' ampakarugi tu tenaya salana. Tau a'gau' kammaya, latuli sannangi nasa'ring.

PAMMUJI 16:8

Tuli mangngu'rangia' ri Batara; niaki ri sa'ringku, Iami saba' natena kuta'lengga.

YESAYA 47:7

Nukapangi angkanaya la'jari karaeng baineko satunggu-tungguna, na tanuassenga yareka tanupikkira kale'bakkanna.

YESAYA 54:7

“Sinampe' dudujA' ambokoiko; Kukamaseang duduko siagang Kualleko ammotere'.

YESAYA 56:12

Sikamma painunga anjo nakana, ‘Umba kingnginung anggoro' sa'genna sukku' pakkasiatta. Ammukoa lala'bi bajikangngangi na anne alloa!’ ”

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

LUKAS 12:19

Nampa kukana ri kalengku: Upakko kau! Nukammai ngasemmi apa-apa bajika, siagang tenamo nulakala'busang sa'genna attaung-taung. Kamma-kamma anne ammari-mari poso mako! Angnganre-nganre mako, siagang angnginung-nginung mako, kammayatompa kasia'mi baji'-bajika lalang tallasa'nu!’

2 KORINTUS 12:7

Mingka sollanna tena nakua'jari tampo dudu lanri ri anjo pappicini' lompoa, le'baka kucini', nisarema' sirupa garring antama' ri kalengku. Anjo garringa akkullei napake Billisika. Nisarea' anjo garringa a'jari pa'ba'bala' ri kalengku, sollanna tena nakua'jari tampo.