PAMMUJI 30:2 - KITTA' MATANGKASA'

² Mammujia' mae ri Katte, o, Batara, saba' le'ba'ma' Kipasalama' siagang tena Kibalang parekanga' nigorai ri musungku.

PAMMUJI 30:2 ပူးပေါင်းရင်းမြစ်များ

PA'JARIANG 20:17

Nipa'jari tamanang ngasemmi ri Batara sikontu baine niaka ri balla' kakaraenganna Abimelekh passabakkang Sara, bainenna anjo Abraham. Nampa appala' doammo Abraham ri Allata'ala, sa'genna nipa'jari baji' ammotere' Abimelekh. Bainenna siagang sikamma atanna bainea, nipa'jari baji' ngaseng tommi ammotere' sa'genna akkulle ngasemmi ammana' poleang.

2 KARAENG-KARAENG 20:5

ammotere' mange ri Hizkia, karaenna Umma'Na Batara, siagang napabattui pasang kammaya anne, “INakke, Batara, Allata'ala nisombaya ri boenu Daud, Kulangngere'mi pappala' doannu siagang Kucini'mi je'ne' matannu. LaKupammolleko battu ri garrinnu; ammembara' la'lampako mange ri BallakKu.

PAMMUJI 118:18

Le'baka' nasessa terasa' Batara, mingka tena Napassareanga' mae ri kamateanga.

PAMMUJI 145:1

Pammuji battu ri Daud. Erokka' ampakalompoKi', o, Allata'ala siagang Karaengku, siagang mammuji mae ri Katte satunggu-tungguna.

PAMMUJI 147:3

Napammollei tau la'baya pa'mai'na, siagang Naballei loko'na ke'nanga.

PAMMUJI 35:24

Pattojenga', saba' adelekKi', o, Batara Allata'alaku, teaKi' lappassangngi musua anggoraia'.

PAMMUJI 41:12

Punna tena nabeta' musungku, kuassemmi angkanaya mangngellaiKi' ri nakke.

PAMMUJI 51:8

Kituntuka' situlusu' atinTa; Kipirassimi atingku siagang pangngassenganTa.

PAMMUJI 6:2

O, Batara, teaKi' kapallakkia' lalang pangngalarroinTa, teaKi' hukkungia' lalang kalussakkangku.

PAMMUJI 88:13

Niakka tau angngassengi gau' appakalannasatTa lalang ri sassanga, yareka kabajikanTa ri pa'rasanganna tau nikaluppaia?

KALAPPASSANG 15:26

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”