PAMMUJI 30:1 - KITTA' MATANGKASA'

¹ Pammujina Daud. Kelong-kelong ri wattunna niresmikang Balla'Na Batara ri Yerusalem.

PAMMUJI 30:1 ပူးပေါင်းရင်းမြစ်များ

2 SAMUEL 20:3

Battuna Daud mange ri balla' kakaraenganna ri Yerusalem, anjo sampuloa baine piara nabolika anjagai balla' kakaraenganga, naerangi antama' ri balla' nijagai bajika ri pangawala'. Sikamma apa naparalluanga ke'nanga nipasadiai siganna'-ganna'na, mingka tale'bakami Daud assikatinroang siagang ke'nanga. Jari nijagaimi ke'nanga siagang sangkammami janda tallasa'na ke'nanga sa'genna mate.

2 SAMUEL 24:25

Le'baki anjo ambangummi Daud tampa' pakkoro'bangngang untu' Batara anjoreng, siagang assaremi koro'bang nitunu kammayatompa koro'bang passiamakkang. Niturukiammi pappala' doanna Daud ri Batara, nampa ammarimo anjo garringa ri Israel.

2 SAMUEL 5:11

Karaeng Hiram battu ri pa'rasangang Tirus akkiringi wakkele' mae ri Daud. Kammayatompa kayu camara Libanon siagang tukang-tukang kayu na tukang-tukang batu untu' ambangung balla' kakaraengang.

2 SAMUEL 6:20

Ri wattunna ammotere' Daud mange ri balla' kakaraenganga untu' assarei sallang kaluargana, assuluki Mikhal anruppai Daud na nakana, “Anne alloa ma'nassa napakala'biri' tojeng-tojengi kalenna karaenna tu Israel! Assolaraki sangkamma tau tolo tenaya nangngasseng siri'-siri', ri dallekanna ngaseng ata-ata bainena sikamma pagawena balla' kakaraenganga!”

2 SAMUEL 7:2

Jari nakanamo karaenga ri Na'bi Natan, “Ciniki, anne inakke ammantanga' lalang ri balla' kakaraengang nipareka battu ri kayu camara Libanon, nampa Patti Parjanjianna Allata'ala poro niboliki bawang lalang ri kemaya!”

1 KARAENG-KARAENG 8:63

Untu' koro'bang pappasiamakkang assaremi Salomo 22.000 sapi siagang 120.000 gimbala'. Kammaminjo karaenga siagang sikontu ra'yaka appare'mi pa'gaukang untu' angresmikangi Balla'Na Batara.

1 PATTOTTORANG 21:6

Mingka tenapa nantama' suku Lewi siagang suku Benyamin ri anjo bilanga. Tena nabilangi Yoab anjo ke'nanga, lanri tena nangai anggaukangi anjo parentana karaenga.

PAMMUJI 13:4

Kicinikima' o, Batara Allata'alaku, Kipilangngerimi pappala' doangku. Kipammollei kagassingangku, siagang teaKi' lappassangia' mate.

PAMMUJI 140:8

O, Batara, Allata'alaku, mappasalamakku magassinga, le'ba'ma' Kijagai lalang pa'bundukang.

PAMMUJI 145:1

Pammuji battu ri Daud. Erokka' ampakalompoKi', o, Allata'ala siagang Karaengku, siagang mammuji mae ri Katte satunggu-tungguna.

PAMMUJI 25:2

o, Allata'alaku, matappaka' ri Katte! TeaKi' lappassangia' nipakasiri', na nigorai ri musu-musungku.

PAMMUJI 27:6

Anne kamma ammetama' mae ri musungku niaka angkatulunga'; jari makkio' rannuma' assare koro'bang sukkuru' ri BallatTa; erokka' akkelong siagang mammuji mae ri Batara.

PAMMUJI 28:9

Kipasalama' laloi ummatTa, o, Batara, barakkaki sikamma tau Kipatanga. A'jariKi' sanrapang pakalawaki mae ri ke'nanga, na Kijagai ke'nanga sa'genna satunggu-tungguna.

PAMMUJI 35:19

TeaKi' balang parekangia' nipare' karek-karenang ri tau ambalianga' natena saba'na. TeaKi' balang parekangia' nigorai ri tau birisika ri nakke natena saba'na.

PAMMUJI 41:11

Kamaseang laloa', o, Batara, Kipammolle laloa' ri garringku, sollanna kukkulle ambalasaki kaja'dallanna sikamma balingku.

PAMMUJI 66:17

Le'baka' akkio' appala' tulung mae ri Ia; anne kamma akkelomma' mammuji mae ri Ia.

PAMMUJI 79:10

TeaKi' lappassangi bansa maraenga akkuta'nang ri kambe, angkana, “Kemaeji Allata'alana ke'nanga?” Boli'mi kamma naccini' ikambe pa'balasa' mae ri bansa-bansa ambunoai ata-atanTa.

PAMMUJI 79:4

Nicau-caumi ikambe ri bansa-bansa siampi'na ikambe, nakakkalimi siagang nacau-caumi ikambe.

PIRAUNG 2:15

Sikontu tau allaloa, maccalla ngaseng ri kau, lanri ancuru'nu kabusu'mo. Ammenggong-menggong ulunna ke'nanga, na nakana, “Iakaminjo kota kaminang ga'gaya, kota kalompoanna linoa?”

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

PAOLE 20:5

Nampa sikamma komandanga musti napabattu anne kana-kanaya mae ri sikamma tantaraya, ‘Niakka ri kau beru ambangung balla', mingka tenapa nappare' upacara kasukkurang? Punna nia', akkullei ammotere'. Saba' punna matei lalang pa'bundukang, tau maraeng lampammantangngi anjo ballaka.