PAMMUJI 29:2 - KITTA' MATANGKASA'

² Pujimi arenNa Batara mala'birika sombami nummake pakeang ibada.

PAMMUJI 29:2 ပူးပေါင်းရင်းမြစ်များ

2 PATTOTTORANG 20:21

Le'baki sipa'bicara siagang ra'yaka, nasuromi karaenga ampakei pakeanna sikamma pakelonga, iamintu pakeang biasaya napake ke'nanga ri upacara-upacara matangkasaka lalang ri agamaya. Anjo pakelonga musti a'barrisiki ri dallekanna barisanna tantaraya nampa akkelong suara' angkana, “Puji Batara! Mangngamaseangi satunggu-tungguna!”

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

PAMMUJI 27:4

Se'reji bawang kupala' ri Batara, iajinne bawang kukaerokia: ammantanga lalang ri Balla'Na Batara lalang sikontu umurukku, untu' angkasiaki kabajikanNa Batara siagang appala' panrurunNa.

PAMMUJI 90:17

O, Batara Allata'alana ikambe, Kibarakkaki ikambe, sollanna angngerang wassele' sikamma jama-jamanna ikambe.

PAMMUJI 96:6

Nikalimbuki ri kalompoang siagang kala'birang, Balla'Na rassi kakoasang siagang kaga'gang.

PAMMUJI 97:9

Saba' iKatte, o, Batara, makoasa ri sikontu lino; iKatte malompo la'biangang na sikontu rewataya.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.