PAMMUJI 29:11 - KITTA' MATANGKASA'

¹¹ Poro nisare lalo kagassingang umma'Na ri Batara, na Napa'jari ke'nanga salewangang.

PAMMUJI 29:11 ပူးပေါင်းရင်းမြစ်များ

PAMMUJI 138:3

Wattungku akkio' mae ri Katte, appialiKi', Kipakajarreki pa'maikku sa'gengku a'jari barani.

PAMMUJI 37:11

Tau tuna pa'maika lanawarisiki anjo buttaya, na nakasia' kacoppongang alla'bia.

PAMMUJI 68:35

Akuimi koasaNa Allata'ala makkanaya nakamma ri Israel, koasaNa sa'genna langi'.

PAMMUJI 72:3

Poro a'jari coppongi na salewangang pa'rasanganna ikambe, na nia' kaadelang mae ri sikontu bansaya.

PAMMUJI 72:7

Poro pila' a'bakka' kaadelanga lalang sikontu jammanna, na alla'bi-la'bi kacopponganga lalang sikontu bulang niaka.

PAMMUJI 84:7

Lalang a'jappana ke'nanga numalo ri Ka'bung Baka, napinrai anjo tampaka a'jari timbuseng je'ne', uru bosia angngerang barakka' alla'bi-la'bi.

PAMMUJI 85:10

Tojeng, sadiai lampasalamaki tau mappilangngeria, Allata'ala malompoa lammantangi ri pa'rasanganta.

PAMMUJI 85:8

Kipa'nyatai angkana tuli mangngamaseangKi', o Batara, Kisare laloi kasalamakkang ikambe.

YESAYA 26:12

O, Batara, iKatte lampa'jari salewangangi ikambe; sikontu najamaya ikambe, iKattemi anggaukangi untu' ikambe.

YESAYA 40:29

Napakajarreki tau posoa, Nasarei sumanga' tau tenaya kullena.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

ZAKHARIA 10:12

LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”

ZAKHARIA 10:6

“LaKupa'jari kassaki pandudu'na Yehuda, laKupasalamaki umma' Israel. Kuerangi ke'nanga ammotere' mange ri pa'rasanganna lanri Kusayanna ke'nanga. LaKupareki ke'nanga sangkamma bansa tenaya nale'ba' Kusassali. INakkemi Karaeng Allata'alana ke'nanga, sikontu pappala' doanna laKuparhatikangi ammotere'.

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

ROMA 14:17

Nasaba' punna lalang ri pamarentahanNa Allata'ala, tena naparallu nikanaya apa-apa akkullea nikanre yareka apa-apa akkullea niinung. Mingka ia parallua iamintu angkanaya mannuruki rupataua ri ero'Na Allata'ala, nakasiaki nikanaya salewangang ri pa'maika, kammayatompa karannuang Napassareanga RohNa Allata'ala.

EFESUS 2:17

Iaminjo saba'na Nabattu Almasi ambirittakangi Kabara' Bajika, iamintu passala'na anjo passiamakkanga, mae ri kau ngaseng; baji' na mae ri kau bansa maraenga, bellaya battu ri Allata'ala, kammayatompa na mae ri kau bansa Yahudia, a'reppeseka ri Allata'ala.

EFESUS 3:16

Appala' doanga' mae ri Allata'ala kaminang mala'birika naporo Najarreki pa'mai'nu siagang RohNa.

2 TESALONIKA 3:16

Batara kabattuanna kasalewanganta. Poro Iami tuli assareko kasalewangang lalang sikontu katallassannu. Poro tuli Narurungang ngasengko Batara.

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

PAPPICINI' 1:4

Sikamma sari'battang niaka ri tujua jama'ah ri daera Asia! Inakke, Yohanes, ma'minasa' nuporo nisare ngaseng barakka' siagang kasalewangang battu ri Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna; kammayatompa battu ri tujua roh ia niaka ri dallekang empoang kala'biranNa Allata'ala,